खापरखेडा : आर्टिस्टिक माईंड आर्ट अकॅडमीच्यावतीने प्रकाशनगर खापरखेडा, ता. सावनेर येथे कार्यक्रमाचे आयाेजन करण्यात आले हाेते. यात अतिथींच्या एलिमेंट्री, इंटरमिजिएट चित्रकला परीक्षेतील प्राविण्य प्राप्त विद्यार्थ्यांना प्रमाणपत्रांचे वितरण करण्यात आले.
दर्शन अंगणकर, गुंजन भाै, सुरेसम कृष्णा, उन्नती कांबळे व आयुषी शेवाळे या विद्यार्थ्यांनी एलिमेंट्री तर जानव्ही केमेकर, आयुषी महाजन मंथन शेंडे, श्रुती परांजपे व श्रेया परांजपे यांनी इंटरमिजिएट चित्रकला स्पर्धेत प्राविण्य प्राप्त केले. याप्रसंगी प्रमुख अतिथी म्हणून डाॅ. बाबासाहेब आंबेडकर सांस्कृतिक संस्थेचे सदस्य राहुल बागडे, तुपसुंदर, महिला क्लबच्या सदस्य माधुरी कुनवटकर उपस्थित हाेते. संचालन प्रशिक्षक प्रशांत माेहरील यांनी केले तर प्रकाश शरसबे यांनी आभार मानले. यावेळी सर्व विद्यार्थ्यांचे अभिनंदन करून त्यांना पुढील वाटचालीसाठी शुभेच्छा दिल्या.