मारहाणीचे निमित्त : अनेक घरांवर दगडफेक : १० जण जखमी
वरणगाव (जि. जळगाव) : धार्मिक गाणे वाजवण्यासह एका गुन्'ातील आरोपीला मारहाण केल्याच्या कारणावरून जमावाने येथील एका फळाच्या दुकानाला आग लावत ट्रकही पेटवला़ अनेक घरांवर दगडफेक करण्यात आली असून सुमारे १० जण जखमी झाले आहेत़ शनिवारी रात्री आठ वाजेच्या सुमारास झालेल्या दंगलीने गावात मोठ्या प्रमाणावर नागरिकांची पळापळ झाली तर व्यापारी पेठेतही दुकाने बंद करण्यासाठी धावपळ उडाली़ एका राजकीय पुढार्याचे दंगलीत मारहाण झालेल्या जखमीशी पूर्ववैमनस्य असल्याने व त्यातून दंगल घडल्याचा संशय व्यक्त होत आहे़ मारहाणीनंतर दंगलीला सुरुवात सुमारे दोन महिन्यांपूर्वी वरणगावमार्गे कत्तलीच्या इराद्याने जाणारा ट्रक हिंदुत्वादी संघटनेचा कार्यकर्ता गणेश आत्माराम धनगर (३२) याने अडवला होता. त्यावेळी वादही झाला होता. या प्रकरणी वरणगाव पोलिसांनी गणेशविरुद्ध भादंवि १४३ अन्वये गुन्हा दाखल केला होता़ तेव्हापासून तो पसार होता़ आरोपी बाहेर निघताच हल्ला शनिवारी गणेश सिद्धेश्वरनगरातून वरणगावकडे येत असताना पुलाजवळ अज्ञात इसमांनी त्याच्या अंगावर चादर टाकत डोक्यात रॉडने जबर दुखापत केलीतर छाती-पोटावर ब्लेडने वार केल्याने तो जागीच बेशुद्ध पडला़ रात्री आठ वाजता ही घटना घडली़ त्यानंतर आरोपी पसार झाले मात्र जखमीच्या समर्थकांना ही बाब कळताच त्यांनी त्यास ग्रामीण रुग्णालयात आणले़ हल्ल्याची माहिती मिळताच शेकडो लोकांचा जमाव वरणगाव पोालीस स्टेशनभोवती जमा झाला़ पोलिसांचा गाफिलपणा नडला पोलिसांनी जमावावर लाठीचार्ज करून पांगवून तात्पुरता शांतता निर्माण केली खरी मात्र हा जमाव नेमका पुढे जातो कुठे व करतो काय? याची खबरदारी न घेतल्याने दंगल अधिक भडकल्याचा आरोप आहे़ दुकानाला आग, ट्रकही पेटवला संतप्त जमावाने बसस्थानक चौकाकडे मोर्चा वळवत काही दुकानांवर दगडफेक केली़ सुभान पिंजारी यांच्या फळांच्या दुकानाला आग लावण्यात आल्याने लाखोंचे नुकसान झाले तर राष्ट्रीय महामार्गावरील मंगल ढाब्याजवळ उभ्या असलेल्या कलीमुद्दीन यांच्या मालकीच्या ट्रकला आगही लावण्यात आली़ घरांवर भिरकावले दगड, १० जखमी दरम्यान, धनगरवाड्यासह अनेक घरांवर जमावाकडून दगड भिरकावण्यात आले यात सुमारे १० ते १५ जण जखमी झाल्याचा अंदाज आहे़ दंगलीनंतर गावात तणावपूर्व शांतता पसरली असून जिल्'ावरून रात्री उशिरापर्यंत कुमक दाखल होणार असल्याचे सूत्रांनी सांगितले़