खंडाळ्याजवळ ३ बस एकमेकांवर आदळून अपघात, ७ जखमी

मुंबई- पुणे हायवेवर खंडाळ्याजवळ तीन खासगी बस एकमेकांवर आदळून झालेल्या अपघातात ७ जण जखमी झाले आहेत.

ऑनलाइन लोकमत

पुणे, दि. २६ -  मुंबई- पुणे हायवेवर खंडाळ्याजवळ तीन खासगी बसेस एकमेकांवर आदळून झालेल्या अपघातात ७ जण जखमी झाले आहेत. शुक्रवारी सकाळी सव्वानऊच्या सुमारास हा अपघात झाला असूनत्यामुळे हायवेवरील वाहतूक ठप्प झाली आहे. वाहनांच्या तीन ते चार किलोमीटर लांब रांगा लागल्याचे समजते. मुंबईकडे जाणा-या वाहतूकीवरही अपघातामुळे परिणाम झाला असून वाहतूक जुन्या मुंबई-पुणे मार्गावर वळवण्यात आली आहे.