आरटीओ, डीलरची चूक;शिक्षा मात्र रिक्षाचालकांना

प्रादेशिक परिवहन कार्यालयाकडून (आरटीओ) मीटर पासिंग करून नंबर देण्यात आले. डीलरच्या एजंटने परमीटसह रिक्षाची रक्कम घेऊन नवीन रिक्षा दिल्या.

दीपक जाधव - पुणो

प्रादेशिक परिवहन कार्यालयाकडून (आरटीओ) मीटर पासिंग करून नंबर देण्यात आले. डीलरच्या एजंटने परमीटसह रिक्षाची रक्कम घेऊन नवीन रिक्षा दिल्या. मात्र, प्रत्यक्षात त्या रिक्षांना परमीट नसल्याने त्यांची नोंदणीच न झाल्याचे आरटीओच्या लक्षात आणून दिल्यानंतर त्यांनी तातडीने त्या रिक्षा जप्त केल्या आहेत. यामध्ये पै पै करून पैसे जमवून रिक्षा विकत घेतलेले अनेक रिक्षाचालक रस्त्यावर आले आहेत.

रिक्षाचालकांना नवीन रिक्षा घेऊन देण्यासाठी भूषण मोतीवाले हा एजंट म्हणून काम करतो. त्याने परमीट ट्रान्सफर करून नवीन रिक्षा विकत घेऊन देण्यासाठी रिक्षाचालकांकडून पैसे घेतले. त्यामध्ये रिक्षाचे दीड लाख व परमीटचे एक लाख 7क् हजार असे 3 लाख 2क् हजार रुपये तो घेत होता. त्याप्रमाणो त्याने मणिधारी डीलर्स येथून सुरूवातीला काही जणांना रिक्षा विकत घेऊन दिल्या. आरटीओच्या वाहन तपासणी निरीक्षकांकडून या रिक्षांचे मीटर पासिंग करून घेण्यात आले. त्यांना वाहन क्रमांकही देण्यात आले आहेत. तीन लाख रुपये भरल्यानंतर परमीटसह रिक्षा मिळत असल्याचे पाहून अनेक रिक्षाचालकांनी त्याच्याशी संपर्क साधून रिक्षा घेण्यासाठी पैसे भरले. आतार्पयत 2क् रिक्षाचालकांची 45 लाखांची फसवणूक झाल्याचे उजेडात आले आहे.

प्रत्यक्षात त्या रिक्षांवर परमीटच चढविण्यात आले नसून, त्यांचे पासिंगही झाले नसल्याने काही दिवसांनी उजेडात आले. मोतीवाले याच्याकडून रिक्षा घेतलेल्या अनेक जणांच्या बाबत हे प्रकार घडले असल्याचे स्पष्ट झाले. त्यानंतर पुणो शहर व जिल्हा वाहतूक संघटनेचे अध्यक्ष संजय कवडे यांनी 31 जून 2क्14 रोजी प्रादेशिक परिवहन अधिकारी जितेंद्र पाटील यांची भेट घेऊन याबाबत लेखी तक्रार केली. त्या वेळी कवडे यांना याबाबत पुरावे सादर करण्यास सांगण्यात आले. त्याप्रमाणो कवडे यांनी याप्रकरणाचा पाठपुरावा करून त्याचे पुरावे सादर केले. आरटीओच्या वाहन निरीक्षकांनी परमीट नसतानाही मीटर पासिंग 

करून दिल्याच्या, तसेच डीलरकडून गेटपास देण्यात आल्याची कागदपत्रे सादर केली. 

पुरावे समोर आल्यानंतर खडबडून जागे झालेल्या आरटीओच्या अधिका:यांनी कारवाई करण्यास सुरुवात केली आहे. खडबडून जागे झालेल्या अधिका:यांनी तातडीने कारवाई करून परवानाविन्या धावत असलेल्या 2क् रिक्षा जप्त केल्या 

आहेत. संबंधित डीलरविरुद्ध रिक्षाचालकांनी फौजदारी कारवाई करावी, असे पत्र रिक्षाचालकांना देण्यात आले आहे.  

 

दोषींवर कारवाई करू

डीलरने परमीटची तपासणी करूनच वाहन ताब्यात देणो आवश्यक होते. रिक्षाचालकांच्या तक्रारी आम्हाला प्राप्त झाल्या आहेत. आज रिक्षा जप्त करण्यात आल्यानंतर आता दोषींविरूद्ध कारवाई केली जाणार आहे.

- जितेंद्र पाटील, 

प्रादेशिक परिवहन अधिकारी

 

डीलरने रिक्षाचालकांना पैसे परत करावेत

डीलरच्या चुकीमुळे रिक्षाचालकांची लाखो रूपयांची फसवणूक झाली आहे. रिक्षाचालकांनी दागिने, तसेच जमा केलेली सर्व पुंजी विकून या रिक्षा घेतल्या आहेत. आरटीओने त्यांच्या रिक्षा जप्त केल्यामुळे डीलरने त्यांचे पैसे परत करावेत, तसेच डीलरविरूद्ध कडक कारवाई करण्यात यावी.

- संजय कवडे, 

अध्यक्ष, पुणो शहर वाहतूक संघटना