मुंबई - राज्याचे मावळते मुख्य सचिव राजेश कुमार यांना शुक्रवारी मंत्रालयात आयोजित एका छोटेखानी समारंभात निरोप देण्यात आला. राज्याचे नवे मुख्य सचिव म्हणून सामान्य प्रशासन विभागाचे अतिरिक्त मुख्य सचिव राजेश अग्रवाल यांची नियुक्ती झाली असून ते रविवारी पदभार स्वीकारणार आहेत. १९८९ च्या तुकडीचे अधिकारी असलेले अग्रवाल हे नुकतेच केंद्रीय सेवेतील प्रतिनियुक्तीवरून राज्याच्या सेवेत परतले आहेत. अग्रवाल यांना मुख्य सचिव म्हणून एक वर्षाचा कालावधी मिळणार आहे. नियत वयोमानानुसार ते ३० नोव्हेंबर २०२६ रोजी सेवानिवृत्त होतील.
ई-गव्हर्नन्सच्या माध्यमातून बजावली मोलाची कामगिरी
आयआयटी दिल्ली येथून संगणक अभियांत्रिकीत बी. टेक. पदवी घेतल्यानंतर अग्रवाल १९८९ साली भारतीय प्रशासकीय सेवेत दाखल झाले. नागरिकांच्या विविध डेटाबेसचे विश्लेषण करून बनावट लाभार्थ्यांची छाननी करणे, तसेच पात्र नागरिकांपर्यंत अनुदान व शासकीय लाभ अचूकपणे पोहोचवणे यात त्यांचे विशेष कार्य आहे. ई-गव्हर्नन्सचा प्रसार, तंत्रज्ञानाच्या माध्यमातून भ्रष्टाचार कमी करणे आणि शासन सेवांची गुणवत्ता सुधारण्याचा ते सातत्याने प्रयत्न करत आले आहेत. त्यांच्या कार्यकाळात ते आधार आणि जनधन मोहिमेशी जोडले गेले. माहिती तंत्रज्ञान कायद्यांतर्गत अॅडज्युडिकेटिंग ऑफिसर म्हणून ७०हून अधिक निर्णय घेत त्यांनी सायबर न्यायशास्त्रातही महत्त्वपूर्ण योगदान दिले आहे.
Web Summary : Rajesh Aggarwal assumes the role of Maharashtra's Chief Secretary, succeeding Rajesh Kumar. An officer of the 1989 batch, Aggarwal returns from central deputation. He is known for his e-governance initiatives and contributions to cyber law and will serve a one-year term.
Web Summary : राजेश अग्रवाल ने महाराष्ट्र के मुख्य सचिव का पदभार संभाला, राजेश कुमार की जगह ली। 1989 बैच के अधिकारी, अग्रवाल केंद्रीय प्रतिनियुक्ति से लौटे। वे ई-गवर्नेंस पहलों और साइबर कानून में योगदान के लिए जाने जाते हैं और एक वर्ष का कार्यकाल पूरा करेंगे।