औषधखरेदीसाठी अधिका:यांची टाळाटाळ

औषधांच्या खरेदीची प्रक्रिया तातडीने राबविण्याऐवजी आरोग्य विभागातील अधिकारी एकमेकांवर जबाबदारी ढकलण्याचा प्रयत्न करीत आहेत.

पुणो : शहरात डेंगीचा प्रादुर्भाव वाढत असताना डासांचा प्रतिबंध करण्यासाठी औषधांच्या खरेदीची प्रक्रिया तातडीने राबविण्याऐवजी आरोग्य विभागातील अधिकारी एकमेकांवर जबाबदारी ढकलण्याचा प्रयत्न करीत आहेत. सहा महिन्यांपूर्वी कीटकनाशक औषधाची वाढीव खरेदी वादग्रस्त ठरली होती. त्यामुळे खरेदी प्रक्रिया राबविण्यास अधिकारी धजावत नाहीत. औषधखरेदी रखडल्याने डेंगीची तीव्रता वाढण्याची भीती मात्र कायम आहे.

डासांचा नायनाट करण्यासाठी आवश्यक कीटकनाशकांची खरेदीच महापालिकेने 2क्13-14 मध्ये केली नाही. त्यामुळे शिल्लक औषधांवरच डास गेले. डासांचा बंदोबस्त करण्याचे काम कीटकनाशक विभागाचे असल्याने त्यांना कीटकनाशके खरेदीचे अधिकार होते. मात्र, गेल्या वर्षी या विभागाकडून हे अधिकार काढून घेण्यात आले आणि मेडिकल विभागाकडे ते देण्यात आले. औषधे नसल्यामुळे नवी कीटकनाशके घेण्यासाठी निविदा प्रक्रिया या वर्षाच्या सुरुवातीला राबविण्यात आली होती. मात्र, त्यात राज्यशासनाने ठरवून दिलेल्या दरांपेक्षा चढय़ा दराने या निविदा राबविण्यात येत असल्याचे लक्षात आल्याने स्वयंसेवी संस्थांनी याविरुद्ध आवाज उठविला होता. त्याची दखल घेत पालिका स्थायी समितीने ही निविदा रद्द केली होती. या घोळामध्ये कीटकनाशके खरेदी रखडली होती.

दरम्यान, औषधेच नसल्याने या वर्षात शहरात औषधफवारणी खूपच कमी प्रमाणात करण्यात आली.  राज्यशासनाकडे पालिकेने हात पसरून थोडी-थोडी औषधे मिळवली. मात्र तीही संपल्याने आणि शहरात डेंगीचा उद्रेक झाल्याने तातडीने कीटकनाशके खरेदी करण्याचा निर्णय घेण्यात आला. त्यासाठी वर्क ऑर्डर काढून 7 प्रकारची कीटकनाशके खरेदीची प्रक्रिया मेडिकल विभागाकडून राबविण्यात आली. मात्र, यातील टेमिफॉस व बीटीआय ही कीटकनाशके राज्यशासनाच्या दरानुसार देण्यास कंपन्यांनी नकार दिला. यामुळे हतबल झालेल्या मेडिकल विभागाने या औषधांची खरेदी कीटकनाशक विभागाने करावी, असे आरोग्य विभागाच्या प्रमुखांना कळविले. त्यानुसार प्रमुखांनी कीटकनाशक विभागप्रमुखांना ती खरेदी तुम्ही करावी, असे कळविले आहे. मात्र, आता कीटकनाशक विभागप्रमुखांनी ही खरेदी करणो माङया अधिकारात येत नसल्याचे सांगत खरेदीस नकार दिला आहे. (प्रतिनिधी)

 

तक्रारींनी नगरसेवक हैराण

कीटकनाशके शहरात फवारली जात नसल्याने डासांची उत्पत्ती झपाटय़ाने होत आहे. त्याविषयीच्या तक्रारी वारंवार नागरिकांकडून केल्या जात आहे. मात्र, औषध नसल्याचे सांगून अधिका:यांनी हात वर केले आहेत. त्यामुळे नगरसेवकही वैतागलेले आहेत.