जहाल नक्षलवाद्याला अटक

जिल्ह्यातील धानोरा तालुक्यात महाराष्ट्र-छत्तीसगड सीमेलगत नक्षलविरोधी अभियान राबवत्ीा असताना जहाल नक्षलवादी राजू ऊर्फ जेठूराम बुधूराम धुर्वा (४१) याला पोलिसांनी छत्तीसगड

१६ लाखांचे होते बक्षीस : ११ घटनांमध्ये सहभागी होता नक्षलवादीगडचिरोली : जिल्ह्यातील धानोरा तालुक्यात महाराष्ट्र-छत्तीसगड सीमेलगत नक्षलविरोधी अभियान राबवत्ीा असताना जहाल नक्षलवादी राजू ऊर्फ जेठूराम बुधूराम धुर्वा (४१) याला पोलिसांनी छत्तीसगड राज्यात अटक केली. ही कामगिरी गडचिरोली पोलीस पथकाने पार पाडली आहे. छत्तीसगड राज्याच्या सिमेलगत असलेल्या येनगाव जंगल परिसरात हा जहाल नक्षलवादी पोलिसांच्या हाती लागला. खडगाव ता. मोहल्ला जि. राजनांदगाव येथील रहिवासी असलेल्या राजूला मंगळवारी सकाळी ११ वाजता अटक केली, अशी माहिती जिल्हा पोलीस अधीक्षक संदीप पाटील यांनी दिली. राजू मानपूर डिव्हीजनचा डी. व्ही. सी. सदस्य आहे. औंधी एलओएसचा तो कमांडर आहे. २००७ नंतर पहिल्यांदाच गडचिरोली पोलीस प्रशासनाने एवढ्या मोठ्या कॅडरच्या नक्षलवाद्याला पकडण्यात यश मिळविले आहे. राजूच्या अटकेमुळे आता औंधी दलमजवळ कोणताही मोठा नेता उरलेला नाही. गहनगट्टा चकमकीदरम्यान दलमचा उपकमांडर मारला गेला होता. त्यामुळे हा दलम जवळजवळ संपुष्टात आला असल्याचे पोलीस अधीक्षक पाटील यांनी सांगितले. छत्तीसगड आणि महाराष्ट्रात अनेक गंभीर गुन्ह्यांमध्ये राजूचा सक्रिय सहभाग आहे. धानोरा तालुक्यातील सावरगाव, मुरूमगाव, मुंगनेर, पेंढरी आदी भागात नक्षली कारवायांमध्ये त्याचा सहभाग होता. दलममध्ये भरती होण्यापूर्वी तो गावात राहून मिलीशीया सदस्य म्हणून काम करायचा. मानपूर डिव्हीजन एसझेडसी, पोलीट ब्युरो सदस्य गुडसा उसेंडी याने पाठवून दिलेले जिलेटीन व स्फोटक पदार्थ तसेच इतर साहित्य वेगवेगळ्या दलमला पोहोचविण्यासाठी मदत करण्याचे कामही राजू करायचा, अशी माहिती पोलिसांनी दिली आहे. सप्टेंबर २००७ मध्ये पल्लेमाडी दलममध्ये हा सक्रिय सदस्य म्हणून भरती झाला. २००८ मध्ये मोहल्ला एलओएस म्हणून बदली होऊन २०१२ पर्यंत तो या पदावर कार्यरत होता. २०१२ मध्ये पल्लेमाडी दलममध्ये डीव्हीसी म्हणून बदली होऊन २०१३ पर्यंत कार्यरत व २०१३ पासून ते अटकेपर्यंत औंधी दलम प्रमुख म्हणून तो कार्यरत होता. राजूला अटक केल्यानंतर धानोरा पोलीस ठाण्यात त्याच्याविरूध्द अपराध क्रमांक ४०/१२ कलम ३०७, ३५३, १४३, १४७, १४८, १४९, १२० (ब), भादंवि ३/२५, भाहका या अंतर्गत गुन्हा दाखल करण्यात आला आहे. मुंगनेर येथे झालेल्या चकमकीत राजू सहभागी होता. (स्थानिक प्रतिनिधी)