हुंडाबळी प्रकरणी सासू, नणंदेला जन्मठेप

सुनेला जाळून मारल्याप्रकरणी सासू व नणंदेला जन्मठेप तर पती व सास-यास प्रत्येकी एक वर्षाच्या कारावासाची शिक्षा अतिरिक्त जिल्हा व सत्र न्यायाधीश आऱ ए़ गायकवाड यांनी ठोठावली़

कोपरगाव (जि. अहमदनगर) : पैशाची मागणी पूर्ण न झाल्याने सुनेला जाळून मारल्याप्रकरणी सासू व नणंदेला जन्मठेप तर पती व सास-यास प्रत्येकी एक वर्षाच्या कारावासाची शिक्षा अतिरिक्त जिल्हा व सत्र न्यायाधीश आऱ ए़ गायकवाड यांनी ठोठावली़हुंड्यापोटी २५ हजार रुपये आणण्यासाठी सासू शीला चिखले, सासरा बाळासाहेब चिखले, नवरा पवन आणि नणंद सारिका हे कोपरगाव येथील रेणुका पवन चिखले हिला शारीरिक व मानसिक त्रास देत होते़ ९ जून २००६ रोजी रेणुका स्वयंपाक घरात असताना शीला हिने तिच्या अंगावर रॉकेल ओतले व सारिकाने पेटवून दिले़ या गोष्टीस पवन व बाळासाहेब यांनी प्रोत्साहन दिले़ पेटत्या अवस्थेत रेणुकाला घरात सोडून सर्वजण निघून गेले़.परिसरातील लोकांनी आग विझवून तिला रुग्णालयात दाखल केले. पण दुस-याच दिवशी तिचा मृत्यू झाला़ याप्रकरणी घरातील चौघांविरुद्ध हुंडाबळी कलमान्वये गुन्हा दाखल झाला होता़ या खटल्यात एकूण १५ साक्षीदार तपासण्यात आले़ रेणुकाचा मृत्यूपूर्व जबाब ग्राह्य धरण्यात आला़ (प्रतिनिधी)