सनदी अधिकाऱ्यांच्या बदल्या

राज्य सरकारने आज १३ सनदी अधिकाऱ्यांची बदल्या केल्या. अतिरिक्त मुख्य आयुक्त (माहिती तंत्रज्ञान-सामान्य प्रशासन विभाग) दिनेशकुमार जैन

मुंबई : राज्य सरकारने आज १३ सनदी अधिकाऱ्यांची बदल्या केल्या. अतिरिक्त मुख्य आयुक्त (माहिती तंत्रज्ञान-सामान्य प्रशासन विभाग) दिनेशकुमार जैन यांची कृषी व पणन विभागात याच पदावर करण्यात आली आहे. एमएसआरडीसीचे सहव्यवस्थापकीय संचालक संतोष कुमार हे महाराष्ट्र जीवन प्राधिकरणाचे नवे सदस्य सचिव असतील. वनामती; नागपूरच्या संचालकपदी एन.नवीन सोना यांची बदली करण्यात आली. ए.आर.शिंदे हे महाराष्ट्र राज्य प्राथमिक शिक्षण परिषद; मुंबईचे नवे प्रकल्प संचालक असतील. शालेय शिक्षण विभागाचे सहसचिव पी.के.ठुबे यांची बदली एमएसीपी; पुणेच्या प्रकल्प संचालकपदी करण्यात आली आहे. विजय वाघमारे हे रोजगार-स्वयंरोजगार आणि कौशल्य विकास विभागाचे नवे आयुक्त असतील. रायगड जिल्हा परिषदेचे मुख्य कार्यकारी अधिकारी सुनील पाटील याच पदावर अमरावती जिल्हा परिषदेत जात आहेत. सिंधुदुर्ग जिल्हा परिषदेचे मुख्य कार्यकारी अधिकारी डी.डी.देशपांडे हे रायगड जि.प.चे नवे मुख्य कार्यकारी अधिकारी असतील. सिंधुदुर्गचे जिल्हाधिकारी ई.रवेंद्रन हे नॅशनल लाईव्हलीहूड मिशन; नवी मुंबईचे नवे मुख्य कार्यकारी अधिकारी असतील. वाशिम जिल्हा परिषदेचे मुख्य कार्यकारी अधिकारी रुचेश जैवंशी यांची बदली मंत्रालयात पाणीपुरवठा व स्वच्छता विभागाचे प्रकल्प संचालक-उपसचिवपदी करण्यात आली आहे. अमरावतीचे विद्यमान जि.प.मुख्य कार्यकारी अधिकारी अनिल भंडारी हे सिंधुदुर्गचे नवे जिल्हाधिकारी असतील. कादंबरी भगत यांची बदली नागपूरच्या अतिरिक्त जिल्हाधिकारीपदी करण्यात आली आहे. (विशेष प्रतिनिधी)