बेलापूर मतदारसंघाच्या भाजपच्या आमदार मंदा म्हात्रे यांना हृदयविकाराचा झटका आला असून, त्यांना तातडीने रुग्णालयात दाखल करण्यात आले आहे. त्यांच्या प्रकृतीची माहिती मिळताच राजकीय वर्तुळात चिंतेचे वातावरण पसरले असून, राज्याचे उपमुख्यमंत्री एकनाथ शिंदे यांनी त्यांच्याशी थेट संवाद साधून त्यांना धीर दिला आहे.
आमदार मंदा म्हात्रे रुग्णालयात झाल्याची माहिती मिळताच उपमुख्यमंत्री एकनाथ शिंदे यांनी त्यांना व्हिडिओ कॉल केला. या संवादाचा एक व्हिडिओ समोर आला असून, त्यामध्ये शिंदे म्हात्रे यांना धीर देताना दिसत आहेत. "मंदा ताई, तुमच्या मागे तुमच्या मतदारसंघातील गोरगरीब जनतेचा आशीर्वाद आहे. चिंता करण्याची गरज नाही, आम्ही सगळे आपल्या सोबत आहोत. तुम्ही काळजी करू नका. आपल्याला लवकर बरे होऊन पुन्हा जोमाने कामाला सुरुवात करायची आहे आणि जनतेची सेवा करायची आहे", असे एकनाथ शिंदे म्हणाले.
मंदा म्हात्रे या नवी मुंबईतील भाजपच्या अत्यंत प्रभावशाली नेत्या मानल्या जातात. २०२४ च्या विधानसभा निवडणुकीत त्यांनी संपूर्ण राज्याचे लक्ष वेधून घेतले होते. या निवडणुकीत त्यांनी नवी मुंबईचे ज्येष्ठ नेते गणेश नाईक यांचे पुत्र संदीप नाईक यांचा पराभव केला होता. संदीप नाईक यांनी राष्ट्रवादी काँग्रेस पक्षाच्या तिकिटावर ही निवडणूक लढवली होती, मात्र म्हात्रे यांनी आपला गड राखण्यात यश मिळवले होते. सध्या मंदा म्हात्रे यांच्यावर रुग्णालयात उपचार सुरू असून त्यांच्या प्रकृतीत लवकर सुधारणा व्हावी, यासाठी त्यांचे समर्थक प्रार्थना करत आहेत.
Web Summary : BJP MLA Manda Mhatre suffered a heart attack and was admitted to the hospital. Eknath Shinde inquired about her health, offering support and wishing her a speedy recovery. She is a prominent leader who defeated Sandeep Naik in the 2024 elections.
Web Summary : भाजपा विधायक मंदा म्हात्रे को दिल का दौरा पड़ने के बाद अस्पताल में भर्ती कराया गया। एकनाथ शिंदे ने उनके स्वास्थ्य के बारे में जानकारी ली और उन्हें शीघ्र स्वस्थ होने की शुभकामनाएं दीं। वह एक प्रमुख नेता हैं जिन्होंने 2024 के चुनावों में संदीप नाइक को हराया था।