बियरचा ट्रक उलटला, चालक केबिनमध्ये अडकला, मदतीऐवजी बाटल्या लुटण्यासाठी लोक तुटून पडले    

By ऑनलाइन लोकमत | Updated: November 29, 2025 12:12 IST2025-11-29T12:12:24+5:302025-11-29T12:12:51+5:30

Accident News: एखाद्या वाहनाला अपघात झाल्यानंतर मदतीसाठी धाव घेणाऱ्यांचं प्रमाण आपल्याकडे फारच कमी आहे. त्यात एखाद्या मालवाहू वाहनाला अपघात झाल्यास मदत करण्यापेक्षा आतील मालाची लुटालूट करणाऱ्यांची संख्याच अधिक दिसते. असाच एक धक्कादायक प्रकार छत्रपती संभाजीनगरमधील वाळूज परिसरात घडलेल्या अपघातानंतर दिसून आला.

Beer truck overturns, driver trapped in cabin, people rush to rob bottles instead of helping | बियरचा ट्रक उलटला, चालक केबिनमध्ये अडकला, मदतीऐवजी बाटल्या लुटण्यासाठी लोक तुटून पडले    

बियरचा ट्रक उलटला, चालक केबिनमध्ये अडकला, मदतीऐवजी बाटल्या लुटण्यासाठी लोक तुटून पडले    

एखाद्या वाहनाला अपघात झाल्यानंतर मदतीसाठी धाव घेणाऱ्यांचं प्रमाण आपल्याकडे फारच कमी आहे. त्यात एखाद्या मालवाहू वाहनाला अपघात झाल्यास मदत करण्यापेक्षा आतील मालाची लुटालूट करणाऱ्यांची संख्याच अधिक दिसते. असाच एक धक्कादायक प्रकार छत्रपती संभाजीनगरमधील वाळूज परिसरात घडलेल्या अपघातानंतर दिसून आला. येथील रांजणगाव रोडवर एका व्यक्तीला वाचवण्याच्या प्रयत्नात बियरने भरलेला ट्रक उलटला. अपघातानंतर ड्रायव्हर ट्रकच्या केबिनमध्ये अडकला, तर ट्रकमधील बियरच्या बाटल्या रस्त्यावर विखुरल्या गेल्या. मात्र या ड्रायव्हरची सुटका न करता लोक रस्त्यावर विखुरलेल्या बियरच्या बाटल्या गोळा करण्यासाठी तुटून पडले.

रांजणगाव रोडवर बियरने भरलेला ट्रक उलटल्यानंतर केबिनमध्ये अडकलेला चालक मदतीसाठी विनवणी करत होता. मात्र या चालकाकडे दुर्लक्ष करत लोकांनी रस्त्यावर विखुरलेले बियरच्या बाटल्यांनी भरलेले बॉक्स आणि बाटल्या लुटण्यास सुरुवात केली. बघता बघता ही माहिती सगळीकडे पसरली आणि बाटल्या लुटण्यासाठी लोकांची अधिकच गर्दी झाली. त्यामुळे अपघातग्रस्त ट्रकजवळ काही काळ गोंधळाचं वातावरण निर्माण झालं.

या अपघाताची माहिती काही लोकांनी त्वरित पोलिसांना दिली. त्यानंतर वाळूज पोलीस घटनास्थळी दाखल झाले आणि त्यांनी जमावाला पांगवले. पोलिसांनी जखमी ट्रकचालकाला ट्रकमधून बाहेर काढण्यासाठी प्रयत्न सुरू केले. दरम्यान, अशा प्रकारचा अपघात झाल्यानंतर रस्त्यावर गोंधळाचं वातावरण निर्माण करणारे लोक स्वत:ही अडचणीत सापडू शकतात. कुठल्याही अपघातानंतर लुटालुटीला नाही तर जखमी व्यक्तींचं संरक्षण आणि मदतीला प्राधान्य दिलं गेलं पाहिजे, असं आवाहन पोलिसांनी केलं.  

Web Title : बियर ट्रक पलटा; लोगों ने ड्राइवर की मदद के बजाय बोतलें लूटीं।

Web Summary : संभाजीनगर के पास एक बियर ट्रक पलट गया, जिससे ड्राइवर फंस गया। मदद करने के बजाय, लोगों ने बीयर लूट ली। पुलिस ने भीड़ को तितर-बितर किया और ड्राइवर को बचाया, और लूटपाट से ऊपर पीड़ितों की मदद करने पर जोर दिया।

Web Title : Beer truck overturns; people loot bottles instead of helping driver.

Web Summary : A beer truck overturned near Sambhajinagar, trapping the driver. Instead of helping, people looted beer. Police dispersed the crowd and rescued the driver, emphasizing helping victims over looting.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.