अजित पवारांसह तिघांवर आचारसंहिता भंगाचा गुन्हा!

गंगाखेड येथे ८ आॅक्टोबर रोजी सकाळी १०.३० च्या सुमारास परळी नाका परिसरात पोलिसांनी केलेल्या तपासणीत स्कार्पिओमध्ये चार बॅगा आढळून आल्या होत्या.

परभणी : एक लाखापेक्षा अधिक रक्कम बाळगल्याप्रकरणी माजी उपमुख्यमंत्री अजित पवार यांच्यासह राष्ट्रवादी काँग्रेसचे जिल्हाध्यक्ष तथा जिंतूरचे उमेदवार विजय भांबळे व त्यांचे बंधू संजय यांच्याविरुद्ध गंगाखेड पोलिस ठाण्यात आचारसंहिता भंगाचा गुन्हा दाखल करण्यात आला आहे.गंगाखेड येथे ८ आॅक्टोबर रोजी सकाळी १०.३० च्या सुमारास परळी नाका परिसरात पोलिसांनी केलेल्या तपासणीत स्कार्पिओमध्ये चार बॅगा आढळून आल्या होत्या. त्यातील अजित पवार यांच्या एका बॅगमध्ये चार लाख रुपये, कपडे व अन्य साहित्य आढळून आले होते. त्यांचे स्वीय सहायक देशमुख यांच्या बॅगमध्ये ८५ हजार रुपयांची रोकडसह काही कागदपत्रे व कपडे आढळून आले होते. भास्कर जाधव यांच्याविरूद्ध आचारसंहिता भंगाची तक्रारगुहागर : माजी कामगारमंत्री भास्कर जाधव यांनी प्रसिद्ध केलेल्या अहवालात न केलेल्या विकासकामांचा उल्लेख करून त्यासाठी लाखो रुपयांचा निधी खर्च केला असल्याचे नमूद केले आहे.जाधव यांनी मतदारांची दिशाभूल व फसवणूक केल्याची तक्रार अंजनवेलचे सरपंच यशवंत बाईत दिले आहेत.