विविध मागण्यांसाठी आशा स्वयंसेविकांचा बेमुदत संप

उदगीर : आपल्या विविध मागण्यांसाठी आशा स्वयंसेविका व गटप्रवर्तकांनी मंगळवारपासून बेमुदत संप सुरु केला आहे.

महाराष्ट्र राज्य आशा स्वयंसेविका व गटप्रवर्तक महासंघाचे प्रदेशाध्यक्ष भगवानराव देशमुख, सिटू व इतर विविध संघटनांनी एकत्र येऊन स्थापन केलेल्या कृती समितीकडून हा संप सुरु आहे. कोविड काळातील कामाचा अतिरिक्त मोबदला द्यावा, माझे कुटुंब-माझी जबाबदारी या मोहिमेचा स्वतंत्र मोबदला द्यावा, आशा स्वयंसेविका व गटप्रवर्तकांना कायम नियुक्तीचे पत्र द्यावे, आशा व गटप्रवर्तकांच्या नियमित वेतनात भरीव वाढ करावी, अशा समितीच्या मागण्या आहेत. या मागण्यांचे निवेदन वैद्यकीय अधिकाऱ्यांना देण्यात आले.

यावेळी महाराष्ट्र राज्य आशा स्वयंसेविका व गटप्रवर्तक महासंघाचे प्रदेशाध्यक्ष भगवानराव देशमुख, राज्य संघटक दत्ता देशमुख, जिल्हाध्यक्ष रंजना गारोळे, गौतम आदमाने, आरोग्य मित्र बालासाहेब शिंदे, तालुकाध्यक्ष मायाताई बिरादार-मुंडकर, गटप्रवर्तिका अनिता पाटील, जयश्री बिरादार, आशा कार्यकर्ती भद्रे शोभा, अर्चना बरुरे, कल्पना सोलापुरे, शांता डिगे, भारत पोतदार, अरुणा बोळेगावे, आदी उपस्थित होत्या.