लोकमत न्यूज नेटवर्क
ठाणे/कोल्हापूर : लैंगिक अत्याचारप्रकरणी गुन्हा दाखल झाल्यानंतर फरार असलेले ठाणे महापालिकेचे माजी सहायक आयुक्त महेश आहेर यांना कोल्हापूर पोलिसांनी गुरुवारी पहाटे नरंदे (ता. हातकणंगले) येथून ताब्यात घेतले. आहेर यांचा शोध घेण्यासाठी ठाणे गुन्हे शाखेने विविध ठिकाणी पथके रवाना केली होती.
नरंदे येथील एका हॉटेलमध्ये ते लपून बसल्याची माहिती स्थानिक गुन्हे शाखेला मिळाल्यानंतर छापा मारून त्यांना ताब्यात घेण्यात आले. शुक्रवारी आहेर यांना ठाणे न्यायालयात हजर करण्यात येणार आहे. या प्रकरणात आणखी धक्कादायक बाब म्हणजे नाशिकमधील भोंदू 'अशोक खरात याचेही नाव समोर आले आहे. तक्रारदार महिलेला नाशिक येथे नेऊन अघोरी प्रकार करण्यात आल्याचा आरोपही करण्यात आला आहे.
महिलेने पोलिसात केली होती तक्रार
ठाणे पालिकेतील डेटा एन्ट्री ऑपरेटर महिलेने आहेर यांच्याविरोधात कासारवडवली पोलिस ठाण्यांत २० एप्रिलला तक्रार दिली होती, त्यात २०२० ते २०२३ या कालावधीत आहेर यांनी पदाचा गैरवापर करून मानसिक आणि शारीरिक छळ केल्याचा आरोप करण्यात आला आहे. हिरानंदानी इस्टेटमधील फ्लॅटवर बोलावून शीतपेयातून गुंगीचे औषध देत अत्याचार केल्याचा तसेच वारंवार शारीरिक संबंधांसाठी दबाव टाकल्याचेही तक्रारीत म्हटले आहे.
Web Summary : Former Thane Municipal Corporation Assistant Commissioner Mahesh Aher, accused of sexual assault, was arrested in Kolhapur. He was found hiding in a hotel. A complaint was filed against Aher for alleged abuse and exploitation between 2020 and 2023. He will be presented in Thane court.
Web Summary : ठाणे नगर निगम के पूर्व सहायक आयुक्त महेश आहेर, जिन पर यौन उत्पीड़न का आरोप है, को कोल्हापुर में गिरफ्तार किया गया। वह एक होटल में छिपे हुए पाए गए। आहेर के खिलाफ 2020 और 2023 के बीच कथित दुर्व्यवहार और शोषण के लिए शिकायत दर्ज की गई थी। उन्हें ठाणे कोर्ट में पेश किया जाएगा।