मलकापूर : स्पर्धा परीक्षेत अपयश आल्याने नैराश्यातून सरुड (ता. शाहूवाडी) येथील अश्विनी दीपक ढवळे (वय २९) हिने राहत्या घरी दोरीने गळफास लाऊन आत्महत्या केली. याची नोंद शाहूवाडी पोलिसात झाली आहे .
पोलिसांतून मिळालेली महिती अशी सरूड येथील विवहिता अश्विनी ढवळे हिचा २०१४ साली इचलकरंजी येथील युवकाशी विवाह झाला होता. २०१७ साली त्यांचा घटस्फोट झाला होता तेव्हापासून अश्विनी आपल्या वडिलांकडे सरुड येथे राहत होत्या. त्या स्पर्धा परीक्षेचा अभ्यास करत होत्या. लोकसेवा आयोगाच्या स्पर्धा परीक्षेमध्ये दोन ते तीनवेळा अपयश आल्याने त्यांना नैराश्य आले होते. या नैराश्यातूनच दि. ९ फेब्रुवारीला अश्विनीने आपल्या राहत्या घरी नायलॉय दोरीने गळफास लावून आत्महत्या केली. त्यांच्या पश्चात चार वर्षाचा मुलगा असून आई, वडील, भाऊ असा परिवार आहे. अधिक तपास पोलीस निरीक्षक विजय पाटील करत आहे.