नेसरी : नेसरी (ता. गडहिंग्लज) येथे कोरोनाच्या पार्श्वभूमीवर प्रशासनाने जाहीर केलेल्या संचारबंदी व आठवडा बाजार बंदला नागरिकांचा उत्स्फूर्त प्रतिसाद मिळाला.
गेल्या आठवड्यात येथील आठवडा बाजार भरला होता. मात्र, ग्रामपंचायत व पोलीस प्रशासनाने गंभीर दखल घेत गुरुवार(दि.२२)चा बाजार शंभर टक्के बंद केला. बाहेर गावाहून कोणी येणार नाहीत याची काळजी घेत भाजीपाला व किराणा दुकानदार यांना ७ ते ११ या वेळेतच दुकाने चालू ठेवण्यास मुभा दिली.
पोलिसांनी बाहेरून येणाऱ्या व नेसरीतून बाहेर जाणाऱ्या वाहनांची तपासणी केली. विनाकारण फिरणाऱ्यांवर कारवाई केली. विनामास्क फिरणाऱ्यांवर कारवाई करून त्यांच्याकडून दंड वसूल केला.
फोटो ओळी : नेसरी (ता. गडहिंग्लज) येथे कोरोनाच्या पार्श्वभूमीवर पुकारण्यात आलेल्या लॉकडाऊनमुळे आठवडा बाजारात असा शुकशुकाट होता. (हर्षवर्धन हिडदुगी)
क्रमांक : २२०४२०२१-गड-०६