जागतिक बुद्धिबळ संघटनेने कोविड-१९ च्या पार्श्वभूमीवर प्रथमच ऑनलाइन पद्धतीने स्पर्धा जुलै २०२१ मध्ये घेण्याचे निश्चित केले आहे. त्या अनुषंगाने अखिल भारतीय बुद्धिबळ संघटनेनेही १०, १२, १४ आणि १६, १८ या वयोगटातील मुले, मुली आणि खुल्या निवड बुद्धिबळ स्पर्धा त्याच पद्धतीने १० जूनपासून घेण्याचा निर्णय घेतला आहे. त्याला अनुसरून महाराष्ट्र राज्य बुद्धिबळ संघटनेनेही या स्पर्धा ३ जूनपासून ऑनलाइन पद्धतीने घेण्याचा निर्णय घेतला आहे.
स्पर्धेबद्दल माहिती अशी,
एकूण दहा गटांत ही स्पर्धा स्विस लीगच्या आंतरराष्ट्रीय नियमानुसार एकूण ९ फेऱ्यांमध्ये ऑनलाइन टाॅर्नेलो या संकेतस्थळावर होणार आहे. प्रत्येक गटातील स्पर्धा तीन दिवस सुरू राहणार आहे. रोज तीन फेऱ्याप्रमाणे एकूण नऊ फेऱ्या होणार आहे. तीन ते पाच जूनला १८ वर्षांखालील मुले, मुली, त्यानंतर ६ ते ८ जून दरम्यान सोळा वर्षांखालील मुले-मुली यांच्या स्पर्धा होणार आहेत. यानंतर ९ ते ११ जून ला १४ वर्षांखालील, १२ वर्षांखालील मुले-मुलींच्या स्पर्धा १२ ते १४ जूनला, दहा वर्षांखालील मुले-मुलांच्या स्पर्धा १५ ते १७ जून दरम्यान होणार आहेत. दहा गटातील पहिल्या पंधरा क्रमांकाना रोख बक्षिसे दिली जाणार आहे. बक्षिसांची रक्कम २ लाख ५० हजार इतकी आहे. स्पर्धेचे नोंदणी www.chezzcircle.com/events या संकेतस्थळावर स्पर्धकांनी करणे आवश्यक आहे. स्पर्धेत सहभागी होणाऱ्या बुद्धिबळपटूंनी भरत चौगुले, मनीष मारुलकर यांच्या संपर्क साधावा, असे आवाहन जिल्हा बुद्धिबळ संघटनेतर्फे करण्यात आले आहे.