येथील झेप स्पर्धा परीक्षा अॅकॅडमीत आयोजित ‘स्पर्धा परीक्षांची तयारी’ याविषयावरील व्याख्यानात ते बोलत होते. अध्यक्षस्थानी संस्थापक अध्यक्ष एम. एल. चौगुले होते. कमीत कमी वेळेत यश मिळवून स्पर्धा परीक्षेद्वारे उत्तम करिअर कसे करावे? यासंदर्भात सोदाहरण टीपदेखील त्यांनी यावेळी दिले.
पाटील म्हणाले, राज्य, देश व जगभरातील चालू घडामोडींची अद्ययावत माहिती मिळविण्यासाठी वृत्तपत्रांचे नियमित वाचन आणि टिप्पणे काढणे आवश्यक आहे. त्याचबरोबरच गटचर्चेद्वारे नियोजनपूर्वक व काळजीपूर्वक अभ्यास करायला हवा. चांगले विचार, चांगली कृती करा, चांगल्या मित्रांची संगत करा आणि डोळ्यासमोर चांगले आदर्श ठेवून वाटचाल करा. चांगले काम करा, त्यातच आनंद व ईश्वर आहे. चांगली कृती व चोख कर्तव्यातूनच नशीब आणि भविष्य घडवा, असे आवाहनही त्यांनी यावेळी केले.यावेळी सचिव संदीप कागवाडे, महेश मजती, विजयकुमार घुगरे, मीना रिंगणे, डॉ. संजय चौगुले, रशिदा शेख, रंगा शिंगटे, महादेव पाटील उपस्थित होते. प्राचार्य डॉ. आर. एस. निळपणकर यांनी स्वागत केले. गौरी बेळगुद्री यांनी सूत्रसंचलन केले. रेखा पोतदार यांनी आभार मानले.
फोटो ओळी : गडहिंग्लज येथील झेप अॅकॅडमीतर्फे आयोजित व्याख्यानात विक्रीकर अधिकारी गोपाळ पाटील यांनी मार्गदर्शन केले. यावेळी एम. एल. चौगुले, प्राचार्य आर. एस. निळपणकर, संदीप कागवाडे, महेश मजती आदी उपस्थित होते.
क्रमांक : २२०९२०२१-गड-०६