इचलकरंजी : राज्य शासनाने पुकारलेल्या वीकेंड लॉकडाऊनच्या दुसऱ्या दिवशीही शहरवासीयांनी प्रतिसाद देत कडकडीत बंद पाळला. रविवारीही अत्यावश्यक सेवा वगळता सर्व आस्थापना बंद होती. सकाळपासूनच सर्व व्यवहार बंद ठेवून वीकेंड लॉकडाऊनची कडक अंमलबजावणी करण्यात आली.
कोरोना संसर्गाचा प्रादुर्भाव मोठ्या प्रमाणात वाढला आहे. त्यामुळे राज्य शासनाने ब्रेक द चेनचा निर्णय घेतला होता. त्यानुसार शनिवारी व रविवारी वीकेंड लॉकडाऊन पुकारण्यात आला आहे. शनिवारी लॉकडाऊनची कडक अंमलबजावणी करण्यात आली, तर रविवारीही नागरिकांनी चांगला प्रतिसाद दिला. रविवारी साप्ताहिक सुटी असल्यामुळे आणखीनच शांतता जाणवत होती. शहर व परिसरात पोलिसांनी कडक बंदोबस्त ठेवला होता. शहरात वाहतूक तुरळक प्रमाणात दिसत होती. नागरिकांनीही अत्यावश्यक कारण वगळता घरातून बाहेर पडणे टाळले. त्यामुळे रस्ते ओस पडले होते.
फोटो ओळी
११०४२०२१-आयसीएच-०१
इचलकरंजीत दुसऱ्या दिवशीही गांधी पुतळा ते के.एल. मलाबादे चौक रस्ता ओस पडला होता.