गुडाळ येथे अकरा जागेसाठी २२ उमेदवार रिंगणात उतरले होते. त्यामध्ये भोगावतीचे जेष्ठ संचालक ए. डी. पाटील (काँग्रेस ) माजी संचालक महादेवराव कोथळकर, राष्ट्रवादीचे वसंतराव पाटील (काँग्रेस) व भोगावती शिक्षण प्रसारक मंडळाचे अध्यक्ष जयसिंग हुजरे (राष्ट्रवादी) यांच्या महाआघाडीने अकरा पैकी दहा जागा जिंकून एकहाती सत्ता राखली.
कंथेवाडी ग्रामपंचायतीमध्ये सातपैकी चार जागा वसंतराव पाटील (जनता दल) व संजय भोपळे (काँग्रेस) आघाडीने मिळवून सत्ता काबीज केली तर तीन जागा (शेकापचे) एकनाथ पाटील व (राष्ट्रवादीचे) बाबूराव भोसले यांच्या आघाडीला मिळाल्या.
खिंडी व्हरवडे येथे रामचंद्र पाटील व ॲड. बी.जी. खांडेकर (काँग्रेस) व राजाराम पाटील, शिवाजी पारखे व चंद्रकांत तोरस्कर (राष्ट्रवादी) यांनी महाआघाडी केली होती, तर त्यांच्या विरोधात श्रीकांत पाटील यांनी दंड थोपटले होते; पण येथे सत्तारूढ महाआघाडीची सत्ता आली.
आणाजे येथे राष्ट्रवादीचे माजी तालुकाध्यक्ष दिनकर पाटील, डाॅ. सुभाष पाटील व संजय तिबीले (काँग्रेस) यांच्या सत्तारूढ ईवरादेवी माणकेश्वर ग्रामविकास आघाडीच्या विरोधात (शेकापचे) मोहन पाटील, (काँग्रेसचे) एल.टी. पाटील, भिवा पाटील व (राष्ट्रवादीचे) सर्जेराव पाटील यांनी ईवरादेवी ग्रामविकास आघाडी केली होती, त्यामध्ये विरोधी आघाडीने नऊपैकी सात जागा जिंकून एकहाती सत्तांतर केले.