इचलकरंजी : सामाजिक बांधिलकी म्हणून मुंबईच्या किशोर मुसळे चॅरिटेबल ट्रस्टने येथील तात्यासाहेब मुसळे कोविड केंद्राला दोन ऑक्सिजन कॉन्सन्ट्रेटर प्रदान केले. मुख्याधिकारी प्रदीप ठेंगल, नगराध्यक्षा अलका स्वामी, आरोग्य सभापती संजय केंगार, नगरसेवक सुनील पाटील यांच्या उपस्थितीत देण्यात आले. आनंद साखरे यांनी स्वागत व रामचंद्र निमणकर यांनी प्रास्ताविक केले. यावेळी विश्वनाथ मुसळे, संजय सातपुते, विठ्ठलराव डाके, गौरव सांगले, डी. बी. टारे, आदी उपस्थित होते.
कोरोनाशी लढण्याचे संदेश गीत
इचलकरंजी : शाहीर विजय जगताप यांनी कोरोनाशी लढण्याचा संदेश देणारे गीत लिहून त्याचा व्हिडीओ सामाजिक माध्यमातून प्रसारित केला आहे. जनतेने दाखवलेली एकजूट, टाळेबंदीला दिलेली साथ, मास्क लावणे, सॅनिटायझर वापरल्यास कोरोनाचा नायनाट करू शकतो, असा आत्मविश्वास या गीतातून व्यक्त केला आहे.
भाजपच्यावतीने आजपासून सेवा सप्ताह
इचलकरंजी : मोदी सरकारच्या सप्तवर्षपूर्तीनिमित्त येथील भाजपच्यावतीने सेवा सप्ताह साजरा करण्यात येणार आहे. आज, सोमवारपासून १ ते ३१ वॉर्डांमध्ये स्वच्छता अभियान राबविण्यात येणार आहे. हे अभियान पालिका व त्या-त्या भागातील भाजप कार्यकर्ते मिळून करणार आहे. हा उपक्रम कोरोना नियमांचे पालन करून करण्यात येणार आहे. कोविड काळात सेवा देणा-या संस्था, डॉक्टर, पोलीस, स्वयंसेवक, समाजसेवक यांचा 'कोरोना योद्धा' म्हणून गौरवपत्र दिले जाणार आहे.