Kolhapur: शाळेतून उशिरा घरी आली, आई क्लासला जाऊ नको म्हणाली; रागात वरच्या खोलीत गेली, अन्...

दहावीच्या वर्गात शिकत होती

गांधीनगर : आईने क्लासला जाण्यास मनाई केल्याच्या रागातून तनिष्का अमित गवळी (वय १६ रा. गडमुडशिंगी, ता. करवीर) हिने राहत्या घरात गळफास घेऊन आत्महत्या केल्याची घटना सोमवारी सायंकाळी घडली.

याबाबत घटनास्थळावरून मिळालेली माहिती अशी, तनिष्का गडमुडशिंगी येथील न्यू इंग्लिश स्कूलमध्ये दहावीच्या वर्गात शिकत होती. ती शाळेतून उशिरा घरी आली होती. आईने उशिराचे कारण विचारले असता मैत्रिणीसोबत देवदर्शनासाठी गेल्याचे तिने सांगितले. आईने तिला क्लासला जाऊ नको, खूप वेळ झाला आहे, असे सांगितल्याने ती रागावली. 

तिने वरच्या खोलीत जाऊन आत्महत्या केली. आईने खोलीत जाऊन पाहिले असता तनिष्काने गळफास घेतल्याचे लक्षात आले. तिला सीपीआरमध्ये दाखल केले असता उपचारापूर्वीच तिचा मृत्यू झाल्याचे डॉक्टरांनी स्पष्ट केले. या घटनेची नोंद रात्री उशिरा गांधीनगर पोलिस ठाण्यात घेण्याचे काम सुरु होते.