कल्याण - कल्याण रेल्वे स्थानकावर रेल्वे सुरक्षा बलाच्या जवानावर तीन जणांनी हल्ला केल्याची धक्कादायक घटना घडली आहे. या घटनेमुळे स्थानक परिसरात काही काळ तणावाचे वातावरण निर्माण झाले होते. कल्याण लोहमार्ग पोलिसांनी तिन्ही आरोपींना ताब्यात घेतले असून न्यायालयाने त्यांची रवानगी न्यायालयीन कोठडीत केली आहे.
आरपीएफ जवान नरेंद्र यादव यांना दादर-गोरखपूर एक्सप्रेसमध्ये काही जण एका प्रवाशाला मारहाण करत असल्याची माहिती मिळाली. त्यानंतर ते तातडीने डब्यात पोहोचले. परिस्थिती नियंत्रणात आणण्यासाठी त्यांनी तिघांना चौकशीसाठी फलाटावर उतरण्यास सांगितले. मात्र फलाट क्रमांक चारवर उतरताच आरोपींनी जवान नरेंद्र यादव यांच्यावर हल्ला केला. तिघांनी मिळून त्यांना मारहाण केली.
हा प्रकार पाहून फलाटावरील प्रवाशांमध्ये भीतीचे वातावरण पसरले. त्यामुळे एकच गोंधळ उडाला. घटनेची माहिती मिळताच कल्याण रेल्वे पोलीस घटनास्थळी दाखल झाले. त्यांनी परिस्थिती नियंत्रणात आणली. पोलिसांनी अब्दुल शेख, सलमान शेख आणि सरकार शेख या तिघांना अटक केली. त्यांच्या विरोधात गुन्हा दाखल केला आहे. तिघांनाही न्यायालयात हजर केल्यानंतर तिघांची रवानगी आधारवाडी कारागृहात करण्यात आली.
या प्रकरणी कल्याण आरपीएफचे प्रभारी अधिकारी पी. आर. मीणा म्हणाले की, प्रवाशांमधील भांडण सोडवताना ही घटना घडली. लोहमार्ग पोलिसांनी तिघांना अटक करून पुढील कारवाई सुरू केली आहे. दरम्यान, कर्तव्यावर असलेल्या सुरक्षारक्षकांवरच हल्ला झाल्याने रेल्वे प्रवाशांच्या सुरक्षेचा मुद्दा पुन्हा ऐरणीवर आला आहे. या घटनेमुळे रेल्वे सुरक्षा व्यवस्थेपुढे मोठे आव्हान उभे राहिले आहे.
Web Summary : Three individuals attacked an RPF jawan at Kalyan station after he intervened in a passenger dispute on a train. The attackers were arrested and remanded to judicial custody. The incident raises concerns about railway security.
Web Summary : कल्याण स्टेशन पर एक आरपीएफ जवान पर तीन लोगों ने हमला कर दिया, जब उन्होंने एक ट्रेन में यात्रियों के बीच विवाद में हस्तक्षेप किया। हमलावरों को गिरफ्तार कर न्यायिक हिरासत में भेज दिया गया। इस घटना से रेलवे सुरक्षा को लेकर चिंता बढ़ गई है।