आधी बनली बॉयफ्रेंडची सावत्र आई, त्याने लग्नाचा निर्णय घेताच घातला गोंधळ

तरूणाच्या एक्सने त्याच्यावर सूड उगवण्यासाठी त्याच्या वडिलांसोबत लग्न केलं आणि ती त्याची सावत्र आई बनली.

आजकाल नात्यांच्या अनेक अजब घटना समोर येत असतात. कधी ब्रेकअप तर कधी नव्या रिलेशनशिपबाबत या घटना असतात ज्या वाचून कुणीही अवाक् होतं. एका व्यक्तीसोबतही असंच काहीसं झालं. नुकतीच त्याची एंगेजमेंट झाली होती. पण त्याच्या एक्सने तिथे येऊन पार्टी खराब करण्याचा प्रयत्न केला. पण त्याच्या बहिणीने स्थिती सांभाळली.

एका रेडिट यूजरच्या परिवारात असं काही बघायला मिळाल जे फारच अजब होतं. नेप्यू बार्बी नावाच्या यूजरने सांगितलं की, कशाप्रकारे तिच्या भावाच्या एक्सने तिच्या भावाला आणि त्याच्या होणाऱ्या पत्नीला प्रश्न विचारून वातावरण गंभीर केलं. बहीण आपल्या भावाच्या नव्या नात्याने आनंदी होती. पण त्याच्या एक्सने वातावरण खराब करण्याचा प्रयत्न केला आणि आता त्याची एक्स यावेळी त्याची सावत्र आई होती.

झालं असं की, तरूणाच्या एक्सने त्याच्यावर सूड उगवण्यासाठी त्याच्या वडिलांसोबत लग्न केलं आणि ती त्याची सावत्र आई बनली. इतकंच नाही तर जेव्हा तरूणाची एंगेजमेंट होत होती तेव्हा तिने आपल्या प्रश्नांनी गोंधळ घातला. ती म्हणाली की, तिला या एंगेजमेंटबाबत अंधारात ठेवण्यात आलं आणि तिला हे सांगण्यातही आलं नाही की, मुलगा कुणासोबत लग्न करत आहे.

या महिलेला एंगेजमेंटच्या प्लानिंगमध्ये सहभागी व्हायचं होतं आणि तिने आरोप केला की, तिला कुणी काही सांगितलंच नाही. इतकच नाही तर तिने एक्स बॉयफ्रेंड आणि आताचा सावत्र मुलासाठी निवडण्यात आलेल्या तरूणीलाही चुकीचं म्हटलं. ती म्हणाली की, ही तरूणी त्याच्या जुन्या एक्सपेक्षा सुंदर आणि सामाजिक नाहीये.

मात्र, तरूणाच्या बहिणीने आपल्या सावत्र आईकडून पार्टी खराब करण्याचा प्लान यशस्वी होऊ दिला नाही. तिने आपल्या मित्रांची मदत घेतली आणि त्यांना सांगितलं की, या महिलेला नवरी-नवरदेवाजवळ जाऊ देऊ नका. म्हणजे तिला हुशारीने पार्टीत असूनही पार्टीच्या बाहेर ठेवलं. तिला फॅमिली फोटोतही येऊ दिलं नाही. तिला दारूही दिली गेली नाही.