Elephant Communication Facts : हत्ती हा सध्याचा पृथ्वीवरील सगळ्यात विशाल आणि बुद्धीमान प्राणी मानला जातो. आफ्रिकन हत्ती तर आपल्या खास शक्तिसाठी जगात प्रसिद्ध आहेत. हत्तींबाबत वेळोवेळी संशोधनांमधून वेगवेगळ्या इंटरेस्टिंग गोष्टी समोर येत असतात. हत्तींबाबत एक अशीच खास गोष्ट आपल्याला सांगणार आहोत. अनेकांना हे माहीत नाही की, आफ्रिकन हत्ती इन्फ्रासाउंड नावाचा एक फार लो-फ्रिक्वेन्सी असलेल्या साउंडचा वापर करत एकमेकांसोबत बोलतात. हा आवाज २० Hz पेक्षा कमी होतो आणि त्यामुळे हा आवाज मनुष्य ऐकू शकत नाहीत.
आफ्रिकन हत्तींचा कमी फ्रिक्वेन्सीचा आवाज इतका दमदार असतो की, ते १० ते १२ किलोमीटर किंवा त्यापेक्षाही जास्त अंतरावर पोहोचू शकतो. याच्या मदतीने हत्ती इतक्या दुरूनही एकमेकांसोबत संवाद साधू शकतात.
अनोखी आहे संवादाची पद्धत
आपल्याला विश्वास बसणार नाही, पण हत्ती केवळ हवेच्या माध्यमातून नाही तर जमिनीमध्ये कंपण निर्माण करूनही आपसात संवाद साधतात. हे कंपण दूर असलेल्या हत्तीला जाणवतं. ही त्यांच्या संवादाची फारच अनोखी पद्धत आहे.
हत्ती ग्रुपने राहतात. ते जर एकमेकांपासून दूर असतील तर अशाप्रकारे संवाद साधून एकमेकांच्या संपर्कात राहतात. जेणेकरून काही धोका असेल तर त्याची माहिती देता यावी. इतकंच नाही तर खाण्याच्या स्त्रोतांबाबतही हत्ती आपल्या साथीदारांना माहिती देत असतात. हरवलेल्या साथीदारांना याद्वारेच शोधलं जातं. ज्यामुळे ते हरवण्याची भीती कमी असते.
कान हलवून ऐकतात मूक आवाज
संशोधकांना आपल्या संशोधनात आढळून आलं की, अनेकदा हत्ती एका जागी शांतपणे उभे राहून आपले कान हलवतात, तेव्हा ते दूरून येणारा दुसऱ्या हत्तींचा आवाज ऐकत असतात.
हे निसर्गाचं एक अनोखं उदाहरण आहे. ज्यात हत्ती एका गुप्त भाषेचा वापर करून विशाल जंगल आणि मैदानांमध्ये एकमेकांसोबत ताळमेळ कायम ठेवतात.
Web Summary : Elephants use infrasound, undetectable to humans, to communicate across vast distances, up to 12 kilometers. They also use ground vibrations. This helps them share information about danger, food, and locate lost members, showcasing a unique communication method.
Web Summary : हाथी 12 किलोमीटर तक की दूरी पर संवाद करने के लिए इंफ्रासाउंड का उपयोग करते हैं, जो मनुष्यों को सुनाई नहीं देता। वे जमीनी कंपन का भी उपयोग करते हैं। यह उन्हें खतरे, भोजन के बारे में जानकारी साझा करने और खोए हुए सदस्यों का पता लगाने में मदद करता है।