लोकमत न्यूज नेटवर्क
जळगाव : कोरोनाच्या संभाव्य तिसर्या लाटेत फुफ्फुसावर अधिक प्रभाव होत आहे. त्यामुळे आपली कार्यक्षमता आणि प्रतिकारशक्ती वाढविण्यासाठी सर्वांनी लसीकरण करून घेणे महत्त्वाचे आहे, असे मत शहरातील छाती व फुफ्फुस विकारतज्ज्ञ डॉ. कल्पेश गांधी यांनी व्यक्त केले. केले. डॉक्टर्स दिनानिमित नूतन मराठा महाविद्यालयाच्या वाणिज्य, प्राध्यापक प्रबोधनी आणि आयक्युएसी यांच्या संयुक्त विद्यमाने ऑनलाईन वेबिनार शिबिर झाले, यावेळी ते बोलत होते.
‘आपले फुफ्फुस सशक्त ठेवूया’ या विषयावर डॉ. गांधी यांनी संवाद साधला. यावेळी कवयित्री बहिणाबाई चौधरी उतर महाराष्ट्र विद्यापीठाचे प्र. कुलगुरु प्रा. डॉ. बी. व्ही. पवार यांची उपस्थिती होती. महाविद्यालयाचे प्राचार्य डॉ. एल. पी. देशमुख यांनी स्वागत केले. डॉक्टर दिनानिमित्त डॉ. कल्पेश गांधी यांच्यासह सर्व कोरोना योद्ध्यांचा गौरव करण्यात आला. यावेळी प्राचार्य डॉ. अशोक पाटील, प्रा. डॉ. जी. बी. रोकडे यांच्यासह वैद्यकीय, सामाजिक आणि शैक्षणिक क्षेत्रातील मान्यवर, महाविद्यालयातील कर्मचारी उपस्थित होते. सूत्रसंचालन वाणिज्य विभागप्रमुख, उपप्राचार्य प्रा. राजेंद्र देशमुख यांनी केले. उपप्राचार्य डॉ. एन. जे. पाटील, प्रा. आर. बी. देशमुख, प्रा. डॉ. एस. ए. गायकवाड, प्रा. अनिल वाघ यांनी सहकार्य केले. प्रा. भागवत पाटील यांनी परिचय करून दिला. प्रा. पल्लवी शिंपी यांनी आभार मानले.