मोठे वाघोदे : येथील ११९ आदिवासी तडवी भिल समाजाच्या पात्र लाभार्थ्यांना ग्रामपंचायत कार्यालयात सरपंच मुबारक अलीखा तडवी यांच्या अध्यक्षतेखाली उपसरपंच लक्ष्मीकांत चौधरी, माजी सरपंच तथा विद्यमान सदस्य कालू मिस्तरी,संजय माळी, हर्षल पाटील, सुलतान बुऱ्हाण, युसूफ मिस्रीखा, भिकारी न्यामतखा, उत्तम वाघ यांचे हस्ते खावटी किटचे वाटप करण्यात आले. या खावटी किटमध्ये साखर, तेल, हरभरा, चवळी, मटकी , वटाणा, तूरडाळ, उडीद डाळ, गरम मसाला, मीठ, चहा पावडर, मिरची पावडर या वस्तूंचा समावेश आहे. अडचणीच्या काळात आदिवासी विभागातर्फे खावटीच्या रूपाने मदत मिळाल्याने अनेकांच्या संसारास हातभार लागला आहे. मात्र उर्वरित पात्र २५ ते ३० लाभार्थ्यांची नावे यादीत न आल्याने आदिवासी विकास प्रकल्प कार्यालयाचे प्रकल्प अधिकारी यांनी वंचित लाभार्थ्यांना लाभ देण्यात यावा, अशी मागणी होत आहे.
खावटी अनुदान किटच्या वाटपासाठी पाल आश्रमशाळेचे मुख्याध्यापक गोविंदा दपाडू अत्तरदे,भागवत ग्यानसिंग पारधी, नरेंद्र पंढरीनाथ साठे, विजय सुपडू पाटील, सविता भागवत पाचपांडे, जयश्री कडू बऱ्हाटे, सुवर्णा पीतांबर पाटील, संजय गोपाळ इंगळे, प्रमोद पांडुरंग पाटील, विजय तुकाराम कुमावत, विनायक रामदास चौधरी, भिकारी रुबाब तडवी, सुपडू महेबूब तडवी, सलमान तडवी, युसूफ महंमद, प्रकाश वायके, राहुल महाजन, पंकज मालखेडे आदिंनी परिश्रम घेतले.