साई समर्थ फार्मसी कॉलेजमध्ये फार्मसी दिवस साजरा

याप्रसंगी पाचोरा विभागाचे पोलीस उपविभागीय अधिकारी भारत काकडे, भडगावचे पोलीस निरीक्षक अशोक उतेकर, संस्थेचे अध्यक्ष भैय्यासाहेब पाटील तसेच सेवानिवृत्त सहायक पोलीस अधीक्षक आर. के. वंजारी, कजगाव ग्रामीण आरोग्य केंद्राचे वैद्यकीय अधिकारी डॉ. प्रशांत पाटील, भडगाव मेडिकल असोसिएशनचे अध्यक्ष सुरेश भंडारी, डॉ. सुनील पाटील, फार्मसी कॉलेजचे प्राचार्य महेंद्र पाटील, प्राध्यापक वृंद व विद्यार्थी उपस्थित होते.

अध्यक्षीय भाषणात आर. के. वंजारी यांनी संस्थेच्या कार्याचा गुणगौरव केला. या कार्यक्रम प्रसंगी सर्व मान्यवरांच्या हस्ते वृक्षारोपण करण्यात आले. तसेच कोरोनासारख्या महामारीत रक्त उपलब्ध होत नव्हते. ही बाब लक्षात घेऊन रक्तदान शिबिराचेदेखील आयोजन करण्यात आले. सूत्रसंचालन नितू पाटील यांनी केले. सुधाकर सोनवणे यांनी आभार मानले.