चाळीसगाव : शहरातील पाटणादेवी रोडवरील हरिगिरी बाबानगर येथील सतरा वर्षीय अज्ञात मुलीला पळवून तिचे अपहरण केल्याप्रकरणी दीपक विजय सूर्यवंशी (२२, रा. हरिगिरी बाबानगर, चाळीसगाव) याच्याविरुद्ध शहर पोलिसात गुन्हा दाखल झाला आहे.
२ रोजी सकाळी सात वाजता दीपक याने काहीतरी फूस लावून तिचे अपहरण केले, अशी फिर्याद त्या मुलीच्या आईने शहर पोलिसात शुक्रवारी दिली. त्यावरून पोलिसात अपहरणाचा गुन्हा दाखल झाला आहे.
बारा चाकी मालवाहतूक ट्रक चाळीसगावहून चोरीस
चाळीसगाव : दहा लाख रुपये किंमतीचा बारा चाकी मालवाहतूक ट्रक (एम एच १९- ४७५९) अज्ञात चोरट्यांनी चोरून नेल्याची घटना २ रोजी दुपारी धुळे-औरंगाबाद रोडवर घडली. हा ट्रक भुसावळ येथून नांदगाव मार्गे चांदवडकडे जात असताना चाळीसगाव बायपासजवळ ट्रकचा डायफ्राम लिक होऊन ब्रेकमध्ये बिघाड झाल्याने ट्रक रस्त्यात उभा होता. याचा फायदा चोरट्यांनी घेतला. ट्रक मालक गुरुदेवसिंग बलदेवसिंग पल्ला रा. भुसावळ यांनी ४ रोजी शहर पोलिसात फिर्याद दिली.