जालना: तालुक्यातील गोंदेगाव शिवारात सोमवारी सकाळी एका ५५ वर्षीय व्यक्तीचा दगडाने ठेचून खून झाल्याचे उघडकीस आले आहे. मच्छिंद्र कोंडीबा दराडे (रा. पाणेगाव, ता. अंबड) असे मृताचे नाव असून, ते आपल्या सासूच्या अंत्यसंस्कारासाठी गोंदेगावला आले होते. खुनाचे नेमके कारण अद्याप समजू शकले नसले तरी, हा खून त्यांच्याच एका जवळच्या नातेवाईकाने केल्याचा प्राथमिक संशय पोलिसांनी व्यक्त केला आहे.
रात्री निघून गेले अन् घात झालामिळालेल्या माहितीनुसार, मच्छिंद्र दराडे हे रविवारी सासूच्या अंत्यसंस्कारासाठी आले होते. विधी पार पडल्यानंतर ते नातेवाईकांकडेच थांबले होते. मात्र, रात्री ते कोणालाही न सांगता घरातून निघून गेले. सोमवारी सकाळी गोंदेगाव येथील ३३ केव्ही विद्युत उपकेंद्राच्या पाठीमागील मोकळ्या जागेत त्यांचा रक्ताने माखलेला मृतदेह आढळला. घटनेची माहिती मिळताच तालुका पोलीस ठाण्याचे निरीक्षक संतोष साबळे आणि उपनिरीक्षक दिगंबर पवार यांनी पथकासह घटनास्थळी धाव घेतली.
महिनाभरात चौथा खून; पोलीस यंत्रणेवर प्रश्नचिन्ह?मच्छिंद्र दराडे यांच्या मुलीवर सध्या जालन्यातील खासगी रुग्णालयात उपचार सुरू आहेत. एका बाजूला मुलीचे आजारपण आणि सासूचा मृत्यू, अशा दुहेरी संकटात असतानाच मच्छिंद्र यांचा खून झाल्याने कुटुंबावर आभाळ फाटले आहे. पोलिसांनी घटनास्थळावरून दारूच्या बाटल्या, मृताची दुचाकी आणि काही साहित्य जप्त केले आहे. जालन्यात गेल्या महिनाभरात झालेल्या सलग चार खुनांच्या घटनांमुळे पोलिसांच्या कार्यक्षमतेवर नागरिकांमधून प्रश्नचिन्ह उपस्थित केले जात आहे.
Web Summary : A 55-year-old man was murdered in Jalna while attending his mother-in-law's funeral. Machhindra Darade was found dead near a power station. Police suspect a close relative. This marks the fourth murder in Jalna this month, raising concerns about police effectiveness.
Web Summary : जालना में अपनी सास के अंतिम संस्कार में आए 55 वर्षीय व्यक्ति की हत्या कर दी गई। मच्छिंद्र दराडे एक बिजली स्टेशन के पास मृत पाए गए। पुलिस को एक करीबी रिश्तेदार पर शक है। इस महीने जालना में यह चौथी हत्या है, जिससे पुलिस की कार्यक्षमता पर सवाल उठ रहे हैं।