CoronaVirus News : मोठं यश! कोरोनाला रोखणारी 21 औषधं सापडली; शास्त्रज्ञांचा दावा
By ऑनलाइन लोकमत | Published: July 28, 2020 09:51 AM2020-07-28T09:51:00+5:302020-07-28T10:36:19+5:30
CoronaVirus Marathi News and Live Updates: कोरोनाने थैमान घातलेले असतानाच अनेक दिलासादायक घटना समोर येत आहे. जगभरात कोरोनासंदर्भात संशोधन सुरू असून शास्त्रज्ञांना यश मिळत आहे. याच दरम्यान कोरोनाच्या या लढ्याला आणखी एक मोठं यश मिळालं आहे
CoronaVirus News : मोठं यश! कोरोनाला रोखणारी 21 औषधं सापडली; शास्त्रज्ञांचा दावा
कोरोना व्हायरसने संपूर्ण जगाला विळखा घातला असून अनेक ठिकाणी गंभीर परिस्थिती निर्माण झाली आहे. जगभरातील सर्वच देश या संकटाचा सामना करत असून कोरोनाचा उद्रेक झालेला पाहायला मिळत आहे. जगभरातील कोरोना रुग्णांची संख्या 16,643,498 वर गेली असून 656,621 जणांना आपला जीव गमवावा लागला आहे. तर आतापर्यंत 10,231,837 लोकांनी कोरोनावर मात केली आहे. जगभरात युद्धपातळीवर कोरोना व्हाययरसवर औषध आणि लस शोधण्यासाठी प्रयत्न सुरू आहेत. अनेक ठिकाणी चाचण्यांना यश देखील आले आहे.
कोरोनाने थैमान घातलेले असतानाच अनेक दिलासादायक घटना समोर येत आहे. जगभरात कोरोनासंदर्भात संशोधन सुरू असून शास्त्रज्ञांना यश मिळत आहे. याच दरम्यान कोरोनाच्या या लढ्याला आणखी एक मोठं यश मिळालं आहे. शास्त्रज्ञांना कोरोनाला रोखणारी तब्बल 21 औषधं सापडल्याची माहिती मिळत आहे. ही औषधं कोरोना व्हायरसचा प्रसार रोखू शकतात. सॅनफोर्ड बर्नहम प्रीबायस मेडिकल डिस्कवरी इन्स्टिट्यूट ऑफ अमेरिकेच्या शास्त्रज्ञांनी हे संशोधन केलं आहे.
CoronaVirus News : कोरोना हरणार, देश जिंकणार! व्हायरसवर लवकरच यशस्वीरित्या मात करता येणारhttps://t.co/cwAiwjk4Q4#coronavirus#CoronaUpdatesInIndia#COVID19India#CoronavirusIndia
— Lokmat (@MiLOKMAT) July 27, 2020
शास्त्रज्ञांनी केलेले हे संशोधन कोरोनाच्या उपचारात मदत करू शकते. कोरोना व्हायरसची प्रतिकृती रोखण्यासाठी औषधांचे विश्लेषण केले गेले. लॅब टेस्टमध्ये अँटीव्हायरल अ‍ॅक्टिव्हिटी असलेले 100 रेणू (molecules) आढळले. हा अभ्यास नेचर जर्नलमध्ये प्रसिद्ध झाला आहे. प्रसिद्ध झालेल्या अभ्यासानुसार, ही औषधे रुग्णांसाठी सुरक्षित आहेत. तसेच यापैकी चार कंपाऊंड हे रेमडेसिवीरसोबत एकत्रित करून कोरोनाच्या उपचारासाठी वापरली जाऊ शकतात.
सॅनफोर्ड बर्नहम प्रीबायसमधील रोग प्रतिकारशक्ती कार्यक्रमाचे संचालक सुमित चंदा यांनी दिलेल्या माहितीनुसार, "रेमडेसिवीर औषध रुग्णालयात रूग्णांचा रिकव्हरी वेळ कमी करण्यास सक्षम आहे, मात्र हे औषध सर्व लोकांवर सारखा परिणाम दाखवत नाही". तसेच अद्यापही स्वस्त, प्रभावी आणि सहज उपलब्ध होणारी औषधं शोधली जात आहेत जी रेमेडेसिवीरसारखचं काम करू शकतात असं देखील त्यांनी म्हटलं आहे. शास्त्रज्ञांनी या अभ्यासात कोरोनाची लागण झालेल्या व्यक्तींच्या फुफ्फुसांच्या बायोप्सिसवरील औषधांच्या परिणामाची देखील तपासणी केली.
CoronaVirus News : धोका वाढला! कोरोनामुळे परिस्थिती गंभीरhttps://t.co/JOqHJYcLJx#coronavirus#CoronaUpdates#COVID19#WHO
— Lokmat (@MiLOKMAT) July 28, 2020
शास्त्रज्ञांनी 21 औषधांमधून कोरोनाती प्रतिकृती होण्यापासून रोखणारी 13 औषधे क्लिनिकल ट्रायलमध्ये असल्याचं म्हटलं आहे. तसेच COVID-19 रूग्णांवर उपचार करण्यास ते प्रभावी असल्याचं देखील म्हटलं जात आहे. यापैकी 2 जणांना यापूर्वीच अमेरिकेच्या अन्न व औषध प्रशासनाने (FDA) मान्यता दिली आहे. ही औषधे एस्टेमिझोल (Astemizole) आणि क्लोफाझॅमिन (Clofazamine) आहेत, तर आपत्कालीन परिस्थितीत रेमडेसिवीर वापरण्यासाठी मंजूरी देण्यात आली आहे.
CoronaVirus News : कोरोनाच्या संकटात नर्सने केलेलं काम पाहून तुम्हीही कराल भरभरून कौतुकhttps://t.co/QcRGcCLmC0#coronavirus#CoronaUpdatesInIndia#COVID19India#CoronavirusIndia#CoronaWarriors
— Lokmat (@MiLOKMAT) July 27, 2020
शास्त्रज्ञांनी सध्या या 21 औषधांची चाचणी ही छोट्या प्राण्यांवर केली जात असल्याचं म्हटलं आहे. जर ही चाचणी यशस्वी झाली तर कोरोनावरील उपचारासाठी देखील वापरण्याची परवानगी मागितली जाईल असं म्हटलं आहे. एका हिंदी वेबसाईटने याबाबतचे वृत्त दिले आहे. जगभरात कोरोनाचा हाहाकार पाहायला मिळत आहे. कोरोनाग्रस्तांची संख्या ही एक कोटींवर पोहचली असून तब्बल सहा लाख लोकांचा मृत्यू झाला आहे. कोरोनाचा संसर्ग रोखण्यासाठी मास्क, सोशल डिस्टंसिंग, क्वारंटाईनच्या माध्यमातून काळजी घेतली जात आहे. खबरदारीचे सर्व उपाय केले जात आहेत. अनेक देशांमध्ये गंभीर परिस्थिती निर्माण झाली आहे.
CoronaVirus News : हँड सॅनिटायझरच्या वापरासंदर्भात केंद्र सरकारने दिली महत्त्वाची माहिती, म्हणाले...https://t.co/w880Tnkpee#coronavirus#CoronaUpdatesInIndia#COVID19India#CoronavirusIndia#handsanitizer
— Lokmat (@MiLOKMAT) July 27, 2020
महत्त्वाच्या बातम्या
CoronaVirus News : चिंताजनक! 6 आठवड्यात कोरोनाग्रस्तांमध्ये दुप्पट वाढ; WHOने बोलावली इमर्जन्सी बैठक
CoronaVirus News : लढ्याला यश! फक्त 400 रुपयांत होणार कोरोना टेस्ट, एका तासात येणार रिपोर्ट
CoronaVirus News : कडक सॅल्यूट! जंगलातून रस्ता पार करत 'ही' नर्स लोकांपर्यंत पोहचवते मोफत औषधं
काय सांगता? कोरोनाला दूर ठेवणारा Sanitizer Pen आला, लिहिताना हातही होणार स्वच्छ
