Austria Shooting: बंदूक घेऊन विद्यार्थी थेट शाळेत घुसला, केला अंदाधुंद गोळीबार; ९ जणांचा मृत्यू, स्वतःलाही संपवलं

Austria School Shooting: शाळेतील एक विद्यार्थी बंदूक घेऊन थेट शाळेत पोहोचला होता आणि त्याने अंदाधुंद गोळीबार केला.

Austria School Firing: ऑस्ट्रियातील दुसऱ्या क्रमांकाचं सर्वात मोठं शहर असलेल्या ग्राझमधील एका शाळेत गोळीबाराची भयंकर घटना उघडकीस आली आहे. ऑस्ट्रिया प्रेस एजन्सी एपीएच्या वृत्तानुसार, ग्राझ शहराच्या महापौरांनी या गोळीबारात ७ विद्यार्थ्यांसह ९ जणांचा मृत्यू झाल्याची माहिती दिली आहे.

शाळेतील एक विद्यार्थी बंदूक घेऊन थेट शाळेत पोहोचला होता आणि त्याने अंदाधुंद गोळीबार केला. यानंतर विद्यार्थ्याने वॉशरूममध्ये जाऊन स्वतःवर गोळी झाडून आत्महत्या केली. पोलिसांना सकाळी १० वाजता माहिती मिळाली. स्थानिक पोलिसांनी लोकांना त्या परिसरापासून दूर राहण्याचा आणि अधिकाऱ्यांच्या सूचनांचे पालन करण्याचा सल्ला दिला आहे.  

Firing in a school in Austria
Austria: A school in Graz, Austria, has tragically became the site of an attack.
Reports online have stated at least 8 people have been killed, teachers and student left injured, shortly before 10am as a student open fired into two classrooms, as… pic.twitter.com/33phxO8wC3

— Pravin K. Prabhat (@pravinkashyap) June 10, 2025

पोलिसांनी सोशल मीडिया प्लॅटफॉर्म X वर पोस्ट करून माहिती दिली की, शाळा रिकामी करण्यात आली आहे आणि सर्वांना सुरक्षित ठिकाणी नेण्यात आलं आहे. परिस्थिती नियंत्रणात आहे आणि आता कोणताही धोका नाही. ऑस्ट्रियाचे ग्राझ शहर देशाच्या आग्नेय भागात आहे आणि त्याची लोकसंख्या सुमारे ३,००,००० आहे.  गोळीबारात काही लोक जखमी देखील झाले आहेत, ज्यांच्यावर स्थानिक रुग्णालयात उपचार सुरू आहेत.

ग्राझ शहराचे महापौर एल्के काहर यांनी दिलेल्या माहितीनुसार, मृतांमध्ये ७ विद्यार्थी आणि शाळेचे कर्मचारी आहेत. शाळेतील गोळीबाराची चौकशी करण्याची जबाबदारी स्पेशल टास्क फोर्सकडे सोपवण्यात आली आहे. ऑस्ट्रियाचे गृहमंत्री देखील ग्राझ शहराकडे रवाना झाले आहेत. पोलिसांनी लोकांना शांत राहण्याचे आणि अफवा पसरवण्यापासून दूर राहण्याचे आवाहन केले आहे.