Latest Hingoli News | Hingoli Marathi News | Latest Hingoli News in Marathi | हिंगोली: ताज्या मराठी बातम्या

- दिलीप कावरखेगोरेगाव (जि. हिंगोली ) : डोक्यात कत्तीचे घाव घालीत विवाहित महिलेने पतीचा खून केल्याची घटना ३ जून रोजी पहाटे साडेतीन वाजेच्या सुमारास सेनगाव तालुक्यातील बाभुळगाव येथे घडली. मृतदेह पेटवून देत आत्महत्येचा बनाव केला. परंतु शवविच्छेदनाप्रसंगी डोक्यावरील कत्तीचे घाव दिसून आल्याने खुनाचे बिंग फुटले. या प्रकरणी गोरेगाव पोलिस ठाण्यात सदर प्रकरणी रात्री उशिरा खुनाचा गुन्हा दाखल करण्यात आला. कैलास भगवानराव गलंडे (वय ४०) हा दारू पिऊन आपल्या पत्नीसोबत वाद घालीत भांडण करत होता. ३ जून रोजी पहाटे साडेतीन वाजण्याच्या सुमारास कैलास हा शिवीगाळ करीत पत्नीच्या अंगावर कत्ती घेऊन गेला. यावेळी पत्नीने झटापट करत हातातील कत्ती हिसकावून घेतली, आणि पतीच्या डोक्यात वार केले. डोक्यातून रक्तस्त्राव होऊन कैलास निपचित पडला. पती काहीच हालचाल करीत नाही हे पाहून पत्नी हादरली. खुनाचा गुन्हा लपविण्यासाठी घरासमोरील दुचाकीमधून पेट्रोल आणत पती कैलासच्या मृतदेहावर ओतून पेटवून दिले. तसेच सर्व पुरावा नष्ट करण्याचा प्रयत्न केला.मुलाच्या फिर्यादीवरुन आईविरुद्ध खुनाचा गुन्हा...३ जून रोजी पतीने पेटवून घेत आत्महत्या केल्याचा बनाव केला. त्यानंतर मृतदेह शवविच्छेदनासाठी गोरेगाव येथील प्राथमिक आरोग्य केंद्रात आणला. मयताच्या डोक्यात कत्तीचे घाव दिसून आल्याने मयताच्या नातेवाईकांकडून सदर आत्महत्या नसून खून असल्याचा आरोप करीत गुन्हा दाखल करण्याची मागणी करण्यात आली. दरम्यान, रात्री उशिरा मयताचा मुलगा गणेश कैलास गलंडे (रा. बाभुळगाव) यांच्या फिर्यादीवरून आई सुमित्रा कैलास गलंडे विरुद्ध खुनाचा गुन्हा दाखल करण्यात आला. सहाय्यक पोलिस निरीक्षक विनोद झळके, सहायक पोलिस उपनिरीक्षक नितेश लेनगुळे यांच्यासह इतर पोलिसांनी बाभूळगाव येथील घटनास्थळाचा पंचनामा केला. आरोपी पत्नीला मध्यरात्री ताब्यात घेण्यात आले.

Hingoli (Marathi News)

हयातनगर फाट्यावर चाकू हल्ला : प्रेमप्रकरणातून युवकाचा खून प्रकरणात दोन आरोपी अटकेत ...

क्रांतीकारी शेतकरी संघटनेच्या पदाधिकाऱ्यांनी नोटांचा हार आणत केले आंदोलन ...

नांदेडच्या व्यापाऱ्याची वसमत येथे बोलावून फसवणूक; दोन पुरुषासह एका महिलेवर गुन्हा दाखल ...

हिंगोली जिल्ह्यातील चोंडी (बहिरोबा) शिवारातील घटना ...

नववीत शिकणाऱ्या अक्षराने दाखवली जबाबदारीची परिपक्वता; मुलीच्या कष्टांनी शेतकरी वडिलांना मिळाला दिलासा ...

विभागीय आयुक्तांनी काढला आदेश, आरडीसी असतील समन्वय अधिकारी ...

या प्रकरणी पाच जणाविरुद्ध शहर पोलीस ठाण्यात गुन्हा दाखल करण्यात आला आहे ...

१ जून रोजी पैसे काढत असताना अनोळखी व्यक्तीने एटीएम कार्ड बदललं ...

वसमत ते औढानागनाथ मार्गावर कार व दुचाकीचा अपघात; दुचाकीवरील दोघांचा जागीच मृत्यू' ...

खून केल्यानंतर पतीने आत्महत्या केल्याचा पत्नीने रचलेला बनाव उघड, पत्नीच्या हाती बेड्या ...