coronavirus : हिंगोलीत आणखी तीन जवान कोरोनामुक्त; रुग्णालयातून मिळाली सुटी
By लोकमत न्यूज नेटवर्क | Published: May 16, 2020 07:58 PM2020-05-16T19:58:47+5:302020-05-16T19:59:05+5:30
हिंगोली जिल्ह्यात केवळ ७ रुग्णांवर उपचार सुरु
coronavirus : हिंगोलीत आणखी तीन जवान कोरोनामुक्त; रुग्णालयातून मिळाली सुटी
Next
हिंगोली : जिल्ह्याचा कोरोनाबाधितांचा आकडा ९१ वरून आता टप्प्या-टप्प्याने दहावर आला होता. आणखी तीन जवान बरे झाल्याने औरंगाबादहून घरी सोडल्याने आता हिंगोली जिल्ह्याचे केवळ ७ रुग्ण उरले आहेत.
हिंगोली जिल्ह्याची आता खऱ्या अर्थाने ग्रीन झोनकडे वाटचाल सुरू झाली असून ९१ पर्यंत पोहोचलेला आकडा ७ पर्यंत खाली आला आहे. यापैकी सहा जण औरंगाबाद येथे भरती असून एकजण हिंगोलीतील आयसोलेशनमध्ये दाखल आहे. हे सर्व एसआरपीएफचे जवान आहेत. आतापर्यंत हिंगोली जिल्ह्यात १४२५ जण आयसोलेशन व क्वारंटाईनमध्ये दाखल होते. यापैकी १३११ जणांचे अहवाल निगेटिव्ह आले आहेत. १३१६ जणांना डिस्चार्ज दिला आहे. तर १00 जण अजूनही भरती आहेत. २५ जणांचे थ्रोट स्वॅब अहवाल प्रलंबित आहेत.
