पालक पनीर , कढई पनीर, शाही पनीर...; तुम्हाला काय आवडतं? व्हिडिओ पाहिल्यानंतर खाणं सोडून द्याल!

Paneer Seized News: नागरिकांच्या आरोग्याशी खेळणाऱ्या भेसळखोरांवर मोठी कारवाई केली आहे. एका धडक कारवाईत तब्बल २,८०० किलोहून अधिक बनावट पनीर जप्त करण्यात आले आहे.

नागरिकांच्या आरोग्याशी खेळणाऱ्या भेसळखोरांविरुद्ध प्रशासनाने मोठी कारवाई केली आहे. मेरठमधील प्रशासकीय अधिकाऱ्यांनी दोन बेकायदेशीर कारखान्यांवर धाड टाकून तब्बल २ हजार ८०० किलोहून अधिक भेसळयुक्त पनीर जप्त केले आहे. धक्कादायक बाब म्हणजे, हे पनीर दुधाऐवजी हानिकारक रसायनांचा वापर करून तयार केले जात होते.

मिळालेल्या माहितीच्या आधारे प्रशासकीय पथकाने मेरठमधील दोन ठिकाणांवर छापे टाकले. या कारवाईत पनीर बनवण्याचे विदारक वास्तव समोर आले. अधिकाऱ्यांनी दिलेल्या माहितीनुसार, या कारखान्यांमध्ये दुधाचा अंशही नव्हता; त्याऐवजी घातक रसायने आणि इतर पदार्थांच्या मिश्रणातून हे बनावट पनीर तयार केले जात होते.

तपासादरम्यान असे समोर आले आहे की, या कारखान्यांमधून तयार होणारे भेसळयुक्त पनीर मोठ्या प्रमाणावर दिल्ली आणि एनसीआर परिसरात पुरवले जात होते. हॉटेल, ढाबे आणि स्थानिक बाजारपेठांमध्ये हे पनीर विक्रीसाठी पाठवले जात होते. यामुळे अजाणतेपणी हे पनीर सेवन करणाऱ्या हजारो ग्राहकांच्या आरोग्याला गंभीर धोका निर्माण झाला आहे. या कारवाईत २,८०० किलोहून अधिक भेसळयुक्त पनीर जप्त करण्यात आले. धक्कादायक बाब महणजे, इथे पनीर तयार करण्यासाठी दुधाऐवजी हानिकारक रसायनांचा सर्रास वापर केला जात असल्याचे आढळून आले.

#मेरठ में खाद्य विभाग ने बड़ी कार्रवाई करते हुए एक फैक्ट्री से करीब 2800 किलोग्राम केमिकल पनीर बरामद किया है। बताया जा रहा है कि यह नकली पनीर केमिकल से तैयार किया जा रहा था और दिल्ली-एनसीआर के बाजारों में सप्लाई किया जा रहा था।

छापेमारी के दौरान अधिकारियों ने भारी मात्रा में… pic.twitter.com/tOpGHlb9i3

— UttarPradesh.ORG News (@WeUttarPradesh) April 16, 2026

नागरिकांना आवाहन

प्रशासनाने जप्त केलेले पनीर नष्ट करण्याची प्रक्रिया सुरू केली असून नमुने प्रयोगशाळेत तपासणीसाठी पाठवण्यात आले आहेत. या रॅकेटमध्ये सहभागी असलेल्या व्यक्तींची ओळख पटवण्याचे काम युद्धपातळीवर सुरू आहे. तसेच, हे पनीर कोणाकोणाला विकले जात होते, त्या वितरणाच्या साखळीचा शोध पोलीस आणि अन्न सुरक्षा विभाग घेत आहे. सणासुदीच्या काळात किंवा वाढत्या मागणीच्या पार्श्वभूमीवर पनीर सारखे दुग्धजन्य पदार्थ खरेदी करताना ग्राहकांनी सावधगिरी बाळगावी आणि अधिकृत विक्रेत्यांकडूनच खरेदी करावी, असे आवाहन प्रशासनाकडून करण्यात आले आहे.