हिंगोली : जिल्ह्यासह शहरातही कोरोना बाधित रुग्ण आढळून येत आहेत. कोरोना रोखण्यासाठी नगरपालिका विविध उपाययोजना राबवित आहे. मात्र जिल्हा प्रशासनाकडून कोरोना उपाययोजनांसाठी वेगळा निधी सध्या तरी उपलब्ध झाला नसल्याने नगरपालिकेच्या निधीतून खर्च करताना तारेवरची कसरत करावी लागत आहे.
हिंगोली शहरात कोरोना बाधितांचा आकडा वाढत आहे. त्यामुळे २९ मार्च ते ४ एप्रिलदरम्यान शहरात संचारबंदी आदेश लागू करण्यात आले होते. आजार पसरू नये यासाठी नगरपालिकेनेही विविध उपाययोजना हाती घेतल्या आहेत. शहरातील स्वच्छता, रस्ते, गल्ली निर्जंतुकीकरणासाठी फवारणी, पीपीई किट, कोरोना प्रतिबंधात्मक उपाययोजनांसाठी बॅनर उपलब्ध करून देणे, मनुष्यबळ उपलब्ध करून देणे, कोरोना काळात मृत्यू झालेल्या अनोळखी व्यक्तींचे अंत्यसंस्कार करणे आदी कामे केली जात आहेत. यासाठी नगरपालिकेला मोठा खर्चही येत आहे. दर महिन्याला जवळपास १५ लाखापर्यंत खर्च जात आहे. हा खर्च सध्या तरी नगरपालिकेच्या उपलब्ध निधीतून होत आहे. परंतु, आणखी काही महिने कोरोनाची अशीच परिस्थिती राहिल्यास कोरोना उपाययोजनांसाठी निधी आणायचा कोठून, असा प्रश्न पालिकेसमोर उभा राहत आहे.
निधीची अडचणीने परिणाम
हिंगोली नगरपालिकेला जवळपास महिन्याला १० ते १५ लाख रुपयांचा खर्च कोरोना उपाययोजनांसाठी येत आहे. जिल्हा प्रशासनाकडून अद्याप यासाठी वेगळा निधी मिळाला नसला तरी नगरपालिकेला १४ व्या वित्त आयोगातून मिळालेल्या निधीच्या व्याजाची रक्कम कोरोना उपाययोजनासाठी खर्च करण्याची परवानगी द्यावी, अशी जिल्हा प्रशासनाकडे मागणी करण्यात आली आहे.
सूचना मिळाल्यास कोविड केअर सेंटर वाढविले जाणार
हिंगोली नगरपालिकेच्या वतीने अंधारवाडी परिसरात कोविड केअर सेंटर उभारण्यात आले आहे. सध्या तरी शहरातील कोरोना रुग्ण संख्या लक्षात घेता कोविड केअर सेंटर पुरेसे ठरत आहे. मात्र रुग्ण संख्या आणखीन वाढल्यास आरोग्य विभागाच्या अधिकाऱ्यांशी चर्चा करून जिल्हा प्रशासनाच्या सूचनेनुसार कोविड केअर सेंटर वाढविता येतील, असे सांगण्यात आले.
हिंगोली नगरपालिकेच्या वतीने कोरोना उपाययोजनांसाठी जवळपास १० ते १५ लाख रुपयांचा खर्च येत आहे. हा खर्च नगरपालिकेच्या निधीतून भागविला जात असला तरी १४ व्या वित्त आयोगातील निधीच्या व्याजाची रक्कम कोरोना उपाययाेजनांसाठी खर्च करण्यास परवानगी द्यावी, अशी मागणी जिल्हा प्रशासनाकडे केली आहे.
- डॉ. अजय कुरवाडे, मुख्याधिकार
कोरोना उपाययोजनासाठी महिन्याला पालिकेला किती निधी लागतो
१५ लाख
जिल्ह्यातील एकूण रुग्ण -
सध्या उपचार सुरू असलेले रुग्ण -
शहरात उपचार सुरू असलेले रुग्ण -