आॅनलाईनमुळे अडले शिक्षकांचे वेतन

महाराष्ट्र प्राथमिक शिक्षक संघ तालुका गोंदियाच्या वतीने अध्यक्ष अनिरुद्ध मेश्राम यांनी गोंदिया तालुक्यातील प्राथमिक शिक्षकाचे वेतन दर महिन्याच्या एक तारखेला व्हावे याकरीता अधिकारी वर्गांना निवेदन

गोंदिया : महाराष्ट्र प्राथमिक शिक्षक संघ तालुका गोंदियाच्या वतीने अध्यक्ष अनिरुद्ध मेश्राम यांनी गोंदिया तालुक्यातील प्राथमिक शिक्षकाचे वेतन दर महिन्याच्या एक तारखेला व्हावे याकरीता अधिकारी वर्गांना निवेदन दिले. तसेच चर्चासुद्धा केली. परंतू शिक्षकांचे वेतन अजूनही सुरळीत सुरू झालेले नाही.
आॅनलाईन वेतन प्रणाली एप्रिल २०१४ पासून सुरु झाली आहे. तेव्हापासून आजपर्यंत वेतन प्रणाली एप्रिल २०१४ पासून सुरु झाली आहे. तेव्हापासून आजपर्यंत वेतन २० ते २५ दिवस उशिरा होत आहेत. त्यामुळे शिक्षकांना सोसायटी कर्ज व बँक कर्ज रक्कमेवरील व्याज अतिरिक्त भरण्याचा भुर्दंड पडत असतो. त्यामुळे शिक्षकांचे आर्थिक नुकसान होत असतो. नोव्हेंबर २०१४ चे वेतन आजपर्यंत झाले नाही. आॅनलाईन वेतनाच्या नावार ९ महिन्यापासून शिक्षकांचे ेवेतन खुप विलंबाने होत आहे.
जि.प. शिक्षक विभागामुळे वेतन विलंबाने होत आहेत. शिक्षक विभागातील वेतन प्रणालित कर्मचारी शिक्षकांच्या वेतनाची काळजी होत नाही. शिक्षक संघाचे पदाधिकारी भेटण्यास गेले तर कार्यालयात उपलब्ध राहत नाही. वेतनाच्या अडचणी आहेत. त्यासुद्धा सांगत नाही. जि.प. शिक्षण विभाग वेतन प्रणालीमध्ये शिक्षकांचे विविध रजेचे बिल अडून पडलेले आहे. ते सुद्धा काढण्यात दिरंगाई होत आहे. महाराष्ट्र शासनाच्या धोरणानुसार आॅनलाईन वेतन प्रणाली मध्ये शिक्षकाचे वेतन महिन्याच्या १ तारखेला द्यावे, अशी सूचना देखील आहे. त्याची अंमलबजावणी केव्हा होईल हे सांगत येत नाही. ललीता राऊत गिरोला या शिक्षिकेची प्रस्तुती रजा दोन वर्षापासून मंजूर झालेली नाही. सदर शिक्षिकेची रजेची फाईल जि.प. शिक्षण विभाग कर्मचारी लहान लहान कारणासाठी अडवून ठेवलेली आहे. उच्च परीक्षेला बसणाऱ्या शिक्षकाचे परवानगी सुद्धा अडलेल्या आहेत.
शिक्षक संघाचे तालुका अध्यक्ष अनिरुद्ध मेश्राम, गणेश चुटे, एम.आर. बोपचे, चंद्रशेखर दमाहे, अयुब खान, विनोद सूर्यवंशी यु.एन. उपवंशी यासाठी प्रयत्नशील आहेत.