लिंगपिसाट फ्रेडीच्या साथीदाराला आणणे अशक्य

सुशांत कुंकळयेकर ल्ल मडगाव गोव्यात अनाथाश्रम स्थापून लहान मुलांवर लैंगिक अत्याचार केल्याच्या आरोपावरून जन्मठेपेची शिक्षा ठोठावलेल्या लिंगपिसाट फ्रेडी पिट्स याचा ब्रिटिश साथीदार रेमंड वार्ली याच्यावर खटला चालविण्यासाठी त्याला गोव्यात आणण्याच्या सीबीआयच्या प्रयत्नाला खिळ बसली आहे. हा संशयित ‘डिमेन्शियल’ने त्रस्त असल्यामुळे त्याला खटल्याच्या सुनावणीसाठी गोव्यात पाठविणे त्याच्यासाठी त्रासदायक ठरेल, असे ब्रिटिश न्यायालयाने स्पष्ट केल्याने त्याच्यावर कारवाई होणे कठीण आहे. व्यवसायाने शिक्षक असलेला व सध्या हेलफिक्स येथे राहाणाऱ्या या संशयिताने १९८0च्या दरम्यान मडगावातील फ्रेडी पिट्सच्या आश्रमाला भेट देऊन तेथील मुलांवर लैंगिक अत्याचार केल्याचा आरोप आहे. खटल्यासाठी त्याचे प्रत्यार्पण भारतात करावे, यासाठी सीबीआयने ब्रिटिश न्यायालयात अर्ज केला होता. मात्र, संशयिताची प्रकृती त्याला भारतात पाठविण्याइतपत सुदृढ नाही, अशा निष्कर्ष काढत ब्रिटनचे जिल्हा न्यायाधीश क्युएन्टिन पर्डी यांनी ही मागणी फेटाळली आहे. मला भारतात पाठविले, तर आत्महत्या करण्याशिवाय माझ्याकडे पर्याय राहाणार नाही. भारतातील कोठडीतील दगदग मी सहन करू शकणार नाही, असा दावा या संशयिताने केला असून त्याने या खटल्यात मानवी हक्काचा मुद्दाही पुढे आणला असल्याची माहिती ‘ब्रिटिश टॅब्लाइड’ने प्रसारित केली आहे. फ्रेडी पिट्सचे कारनामे ८0च्या दशकात गाजले होते. या कारनाम्यांनी केवळ गोवाच नव्हे, तर सारा देश हादरला होता. अँग्लो जर्मन असलेल्या पिट्सने समाजसेवकाचा बुरखा पांघरून सुरुवातीला कोलव्यात अनाथाश्रम स्थापला होता. त्यानंतर फातोर्डा येथे गुरुकुल नावाचा अनाथाश्रम चालविला होता. या आश्रमात गरीब मुलांना ठेवले होते. (पान ३ वर)