गोव्याला आॅनलाईन सेक्सचा विळखा

तपासात उघड : मसाज पार्लरच्या नावाखाली वेश्या व्यवसाय; कारवाईमुळे पर्दाफाश

सूरज पवार-मडगाव : पर्यटकांसाठी नंदनवन ठरलेल्या गोव्यात आता आॅनलाईन सेक्स जोर धरू लागला आहे. गेल्या महिन्यात गुन्हा अन्वेषण विभागाने राज्यात वेबसाईटच्या मदतीने सुरू असलेल्या आंतरराष्ट्रीय व आंतरराज्य सेक्स रॅकेटचा पर्दाफाश करताना एका विदेशी महिलेसह चार युवतींची सुटका केली होती. राजधानी पणजीत उत्तर प्रदेशातील एका आमदाराचे मुजरा प्रकरण गाजले होते. मसाज पार्लरच्या नावाने शहरात मोठ्या प्रमाणात कुंटणखाने चालू असून, यापूर्वी पोलिसांनी अशा पार्लरवर कारवाई केली. ग्रन्हा अन्वेषण विभागाने २२ नोव्हेंबर रोजी कळंगुट येथे छापा टाकून आॅनलाईन सेक्स रॅकेटचा पर्दाफाश केला होता. या वेळी पोलिसांनी दोन दलालांना अटक करताना चार युवतींची सुटकाही केली होती. या युवतींपैकी दोन पंजाबमधील, एक हरियाणातील, तर एक तुर्कस्थान येथून आणण्यात आल्याची माहिती तपासात उघडकीस आली होती. वेबसाईटच्या मदतीने हा वेश्या व्यवसाय सुरू होता, अशी माहिती उघड झाली होती. ँ३३स्र:ह६६६.‘्र३३८ॅङ्मंी२ूङ्म१३२.ूङ्मे आणि ँ३३स्र:६६६.े्र’ी८.१४२२्रंल्ली२ूङ्म१३२.ूङ्मे या वेबसाईटवर युवतींच्या अश्लील छायाचित्रांसह ग्राहकांना आकर्षित करण्यासाठी सविस्तर माहितीही देण्यात आली होती. युवती पुरवण्यासाठी ग्राहकांना २0 हजारांपासून तीन लाखांपर्यंत रकमेचे पॅकेज, चांगल्या घराण्यातील युवती पुरवण्याचे आमिष आणि माहिती गोपनीय ठेवण्याची आश्वासने देण्यात आली होती. या वेबसाईट्स बंद करण्याच्या हालचाली सध्या सीआयडीतर्फे सुरू आहेत. मसाज पार्लरच्याच नावाखाली राज्यात खुलेआम वेश्या व्यवसाय चालत आहे. दक्षिणेतील कोलवा येथे अशा घटना यापूर्वी घडल्या आहेत. गेल्या वर्षी आॅक्टोबर महिन्यात कोलवा पोलिसांनी अवादे मसाज या पार्लरवर छापा घातला असता तीन युवतींसह तीन तरुणांना ताब्यात घेतले होते. या वेळी तीन ग्राहकांना, तसेच मसाज पार्लर व्यवस्थापक मिळून पाचजणांना अटक केली होती. या युवतींना मसाज पार्लरच्या आड वेश्या व्यवसायास जुंपले होते, असे तपासात उघडकीस आले होते. गेल्या वर्षी पर्वरी येथे मसाज पार्लरवर पोलिसांनी छापा टाकला असता तेथील पोलिसांना चक्क मराठी चित्रपट अभिनेताही सापडला होता. १0 एप्रिल २0१४ रोजी मडगाव पोलीस स्थानकाचे निरीक्षक सुदेश नाईक यांनी खारेबांद, मडगाव येथील शेझेर या हॉटेलवर छापा घातला असता दोन अल्पवयीन मुलींसह एकूण चार तरुणी सापडल्या होत्या. या सर्वांची पोलिसांनी सुटका केली होती. तामिळनाडू येथील सांतिलकुमार एम. (४२), शिरवडे-नावेली येथील हॉटेलचा मॅनेजर लेस्टर बार्रेटो (४७), रुमबॉय अ‍ॅँथनी राज (२९) यांना अटक करण्यात आली होती. नंतर २५ हजार रुपयांच्या हमीवर त्यांची सशर्त जामिनावर सुटका करण्यात आली होती.