अनेक गृहिणीसुद्धा कोणत्या वस्तू स्वस्त होणार, दैनंदिन वापरातील वस्तूंपासून ते गॅस सिलिंडरच्या किमती कमी होणार का, असा प्रश्न करत टीव्हीपुढे बसल्या होत्या; पण गृहिणींचे फारसे समाधान झाले नसल्याचे दिसून आले.
धोरणात्मक विकास व सामाजिक उत्तरदायित्व जोपासणारे अंदाजपत्रक आहे. अतिरंजित आकडेमोड न करता आरोग्य, शेती, छोटे व्यावसायिक यांना दिलासा मिळेल. परदेशी गुंतवणूक वाढून रोजगार निर्मितीस चालना मिळेल.
- ॲड. संदीप धाईत
कर व अर्थ सल्लागार
या अर्थसंकल्पात शेतकऱ्यांच्या हिताचा विचार करून धान खरेदीसाठी भरीव निधी दिला आहे. सिंचनासाठी १० हजार कोटींची तरतूद केली आहे. आरोग्य सेवेसाठी निधीत भरीव वाढ केली आहे. शेतकरी, कामगार, ज्येष्ठ नागरिक यांना दिलासा देणारा अर्थसंकल्प आहे.
- अशोक नेते
खासदार, गडचिरोली
अर्थमंत्र्यांनी शेतकरी, छोटे व्यावसायिक, सुशिक्षित बेरोजगारांची निराशा केली. आकांक्षित जिल्ह्यासाठी वेगळी तरतूद असती तर विकासात्मक कामांना चालना मिळाली असती; पण सर्वांचा अपेक्षाभंग झाला आहे.
- अरविंद कात्रटवार
शिवसेना उपजिल्हा प्रमुख
ज्या देशाचं पोट महाराष्ट्रावर आहे, त्या महाराष्ट्राला या बजेटमध्ये काहीच मिळाले नाही. अनेक गोष्टींवर कृषी अधिभार लावण्यात आला. पेट्रोल-डिझेलचे दर अजून वाढणार आहेत. आयकरात कोणताही बदल नाही.
- भावना वानखेडे
जिल्हाध्यक्ष, महिला काँग्रेस
गॅसच्या किमती वाढतच आहेत. खायचे तेलही आवाक्याबाहेर गेले. सामान्य माणसाने या महागाईत जगावे तरी कसे? सरकारी पगारवाल्यांचे ठीक आहे. गोरगरिबांचा विचार करून काय ते निर्णय घेतले पाहिजे.
- कुसुम पाथोडे
गृहिणी, गडचिरोली
७५ वर्षेपेक्षा अधिक असणाऱ्याच नागरिकांना करात पूर्णपणे सूट दिली आहे. वास्तविक ६० वर्षांपेक्षा अधिक वय असणाऱ्या सर्वांनाच सूट देण्याची गरज आहे. आमदार-खासदारांप्रमाणे सेवानिवृत्तांनाही वैद्यकीय प्रतिपूर्ती द्यावी.
- देवाजी सोनटक्के
ज्येष्ठ नागरिक, गडचिरोली