लाेकमत न्यूज नेटवर्कगडचिराेली : जिल्ह्यात सध्या ३ हजार १३४ काेराेनाबाधितांवर उपचार सुरू आहेत. त्यापैकी १ हजार ६२९ रुग्ण घरीच उपचार घेत आहेत, तर १ हजार ५०५ रुग्ण दवाखान्यात उपचार घेत आहेत. जिल्हाभरातील रुग्णालये व काेविड केअर सेंटरमध्ये एकूण २ हजार २७ बेड उपलब्ध आहेत. साेमवारी जिल्हाभरातील ५२२ बेड रिकामे हाेते. मात्र रेमडेसिविर या इंजेक्शनचा पाहिजे त्या प्रमाणात पुरवठा नसल्याचे दिसून येत आहे. मागील १५ दिवसांपासून जिल्ह्यात काेराेना रुग्णांची संख्या झपाट्याने वाढत आहे. मात्र, काही रुग्णांना अतिशय सामान्य लक्षणे आहेत. अशा रुग्णांना सर्वप्रथम काेविड केअर सेंटरमध्ये भरती केले जाते. प्रत्येक तालुकास्तरावर हे सेंटर आहेत. त्या ठिकाणी बेडची व्यवस्था आहे. तसेच ज्यांच्या घरी स्वतंत्र शाैचालय व बाथरूम उपलब्ध आहे, अशा रुग्णांना घरीच थांबून उपचार घेण्याचा सल्ला दिला जात आहे. जिल्हाभरातील १ हजार ६२९ रुग्ण घरीच उपचार घेत आहेत. सक्रिय रुग्णांपेक्षा बेडची संख्या अधिक असल्याने प्रत्येक रुग्णाला बेड उपलब्ध झाले आहे. मागील १५ दिवसांपासून राज्यभरात रेमडेसिविर लसचा तुटवडा निर्माण झाला आहे. याचा फटका गडचिराेली जिल्ह्यालाही बसला आहे. मागणीच्या तुलनेत लसही कमी प्रमाणात उपलब्ध आहे.
साैम्य लक्षणे असलेलेही रुग्णालयातकाेराेनामुळे मृत्यूची संख्या मागील आठ दिवसांमध्ये वाढली आहे. त्यामुळे काही रुग्ण अतिशय सामान्य लक्षणे असतानाही रुग्णालयात दाखल हाेऊन उपचार घेत आहेत. आकस्मिक स्थिती निर्माण झाल्यास अशा रुग्णांना घरीच राहून उपचार घेण्याचा सल्ला देता येणे शक्य आहे. मात्र, सध्या पुरेसे बेड उपलब्ध असल्याने घरीच उपचार करायचे की रुग्णालयात दाखल व्हायचे, या दाेन पर्यायांपैकी काेणता पर्याय निवडायचा हे रुग्णाला ठरवून दिले जाते.
ऑक्सिजन सुविधा असणारे ३८४ बेड रिकामेकाेराेनाचा संसर्ग झालेल्या व्यक्तीची ऑक्सिजनची पातळी कमी हाेण्यास सुरुवात हाेते. त्यामुळे त्या रुग्णाला कृत्रिम ऑक्सिजन द्यावे लागते. ऑक्सिजन ही अतिशय महत्त्वाची बाब काेराेना रुग्णांसाठी आहे. जिल्हाभरातील रुग्णालयांमध्ये एकूण ५८० ऑक्सिजन बेड उपलब्ध आहेत. यामध्ये जिल्हा रुग्णालयात ३५०, कुरखेडा उपजिल्हा रुग्णालयात २०, आरमाेरीत २०, अहेरी येथे १००, एटापल्ली ५० व सिराेंचा येथे ४० ऑक्सिजनचे बेड उपलब्ध आहेत. सद्य:स्थितीत १९६ रुग्ण ऑक्सिजन बेडवर असून अजूनही ३८४ बेड रिकामे आहेत. या व्यतिरिक्त ऑक्सिजनचे सिलिंडर लावूनही उपचार घेता येतो. आकस्मिक स्थितीत ऑक्सिजन उपलब्ध व्हावा, यासाठी प्रत्येक काेविड केअर सेंटरवर ऑक्सिजन सिलिंडर ठेवण्यात आले आहेत. यावरून जिल्ह्यात ऑक्सिजन बेड व ऑक्सिजनची कमतरता नसल्याचे दिसून येत आहे.