सहा जण कोरोनामुक्त; तीन पॉझिटिव्ह

मुलचेरा नगर पंचायतीचे मुख्याधिकारी हे कोरोना पॉझिटिव्ह निघाल्यानंतर त्यांच्या संपर्कातील २० जनांना संस्थात्मक विलगीकरणात ठेवून त्यांचे स्वॅब तपासणीसाठी पाठविण्यात आले होते. त्यापैकी सात अहवाल नेगेटिव्ह तर एका जनाचा अहवाल पॉझिटिव्ह आला आहे. १२ अहवाल अप्राप्त आहेत. पॉझिटिव्ह असलेला व्यक्ती मुख्याधिकारी यांचा चालक आहे.

ठळक मुद्दे९४ जन अ‍ॅक्टिव्ह : मुलचेरा येथील मुख्याधिकाऱ्यांच्या चालकाचाही अहवाल पॉझिटिव्ह

लोकमत न्यूज नेटवर्क
गडचिरोली : रविवारी प्राप्त झालेल्या कोरोना अहवालांनुसार सहा रूग्णांनी कोरोनावर मात केली आहे. तर दोन सीआरपीएफ जवान व मुलचेरा नगर पंचायतीचे मुख्याधिकारी यांच्या खासगी चालकाचा अहवाल पॉझिटिव्ह आला आहे. कोरोना अ‍ॅक्टिव्ह रूग्णांची संख्या ९४ झाली आहे.
कोरोनातून मुक्त झालेल्यांमध्ये गडचिरोली व अहेरी येथील प्रत्येकी दोन तर धानोरा व चामोर्शी येथील प्रत्येकी एका रूग्णाचा समावेश आहे. गडचिरोली व अहेरी येथील संस्थात्मक विलगीकरणात असलेल्या प्रत्येकी एका सीआरपीएफ जवानाचा कोरोना अहवाल पॉझिटिव्ह आला आहे. मुलचेरा नगर पंचायतीचे मुख्याधिकारी हे कोरोना पॉझिटिव्ह निघाल्यानंतर त्यांच्या संपर्कातील २० जनांना संस्थात्मक विलगीकरणात ठेवून त्यांचे स्वॅब तपासणीसाठी पाठविण्यात आले होते. त्यापैकी सात अहवाल नेगेटिव्ह तर एका जनाचा अहवाल पॉझिटिव्ह आला आहे. १२ अहवाल अप्राप्त आहेत. पॉझिटिव्ह असलेला व्यक्ती मुख्याधिकारी यांचा चालक आहे. त्यामुळे नगर पंचायतीच्या इतरही कर्मचाऱ्यांमध्ये भितीचे वातावरण निर्माण झाले आहे.
कोरोनापासून मुक्त झालेल्यांना घरी सोडताना गृह विलगीकरणात राहण्याचा सल्ला देण्यात आला. यावेळी जिल्हा शल्य चिकित्सक डॉ.अनिल रूडे, अतिरिक्त जिल्हा शल्य चिकित्सक डॉ.माधुरी किलनाके, सहायक अधिसेवक शंकर तोगरे उपस्थित होते. जिल्हाभरातील एकूण कोरोना बाधितांची संख्या १६६ झाली आहे. ९४ रूग्णांवर उपचार सुरू आहेत. ७१ रूग्ण बरे होऊन घरी परतले आहेत.