देसाईगंज : एपीजे स्पोर्टिंग क्लबच्या वतीने देसाईगंज येथील क्रीडा संकुल परिसरात अब्दुल परवेज शेख यांच्या स्मृतिप्रीत्यर्थ रात्रकालीन व्हॉलिबॉल स्पर्धेचे आयोजन करण्यात आले आहे. या स्पर्धेचे उद्घाटन जि.प.सदस्याभाग्यश्री आत्राम यांच्या हस्ते बुधवारी झाले.
कार्यक्रमाच्या अध्यक्षस्थानी राष्ट्रवादी काँग्रेसचे प्रदेश संघटक मो. युनूस शेख हाेते. तर प्रमुख अतिथी म्हणून काँग्रेस अल्पसंख्याक विभागाचे प्रदेश सचिव शहजाद शेख, राकाँचे जिल्हा सरचिटणीस श्याम धाईत, सोहेल शेख, अब्दुल लतीफ शेख, सारिका गडपल्लीवार, श्रीनिवास मगडीवार, राकाँ तालुकाध्यक्ष क्षितिज ऊके, डॉ. गौरव शहारे, पत्रकार आरिफ शेख, इलियास खान उपस्थित होते. रात्रकालीन व्हॉलिबॉल स्पर्धेतील विजेत्या संघाला ३३ हजार ३३३, उपविजेत्याला २२ हजार २२२, तृतीय विजेत्याला ११ हजार १११ रुपये तर चाैथे बक्षीस ५ हजार ५५५ रुपये राेख दिले जाणार आहेत. स्पर्धेत पंच म्हणून राहुल सोरर्ते आणि दानिश खान हे काम पाहत आहेत. २९ जानेवारीपर्यंत ही स्पर्धा चालणार आहे. सूत्रसंचालन मंगेश गुरफुले तर रियाजुल शब्बीर यांनी आभार मानले.