तापी काठावरील अडीचशे वर्ष जुनी स्वयंभू गणेश मूर्ती

गावात आयुर्वेद तज्ञ महिपती महाराज यांना मातीची टेकडी खोदतांना ही मूर्ती हाती लागली. आणि तीची स्थापना ग्रामस्थांनी त्याचठिकाणी केली. सदरची मूर्ती ३ फुट उंचीची असून ती पाषाणाची आहे. या मंदिरात वर्षभरातून माघ शुध्द चतुर्थीला व भाद्रपद महिन्यात गणेश जन्मालापालखी व किर्तन सोहळा। भजन सहस्त्रावर्तन कार्यक्रम केले जातात. या सिध्दीविनायकाचा दर्शनाला हृदयनाथ मंगेशकर व नामवंत कलाकार येवून गेले आहे. गानसम्राज्ञी लता मंगेशकर यांच्या वाढदिवसानिमित्त कार्यक्रम याच मंदिरात साजरे केले जातात़ या संस्थानच्या गादीवर तुकाराम बुवा, महिपती बुवा, गणपती बुवा, लक्ष्मीकांत भावे बुवा व मोरेश्वर भावे बुवा हे विराजमान झालेले आहेत.

अमळनेरच्या सखाराम महाराजांची फिरस्तीयात्रा सुरू होण्यापूर्वी येथील गणपती मंदिरात येऊन दर्शन घेतात. नंतरच त्यांच्या फिरस्तीयात्रेला सुरूवात केली जाते. गावातील भाविक रोज सकाळ-संध्याकाळी याठिकाणी दर्शनाला येत असतात.