शहरात बुधवारी एका अल्पवयीन मुलीची छेड काढल्याप्रकरणी पोलीसांनी दोन संशयितांना ताब्यात घेतले हाेते. या संशयितांना सोडून द्यावे या मागणीसाठी जमावाने पोलीस स्टेशनला धडक देत पोलिसांशी हुज्जत घातली. तसेच पोलीसांना धक्काबुक्की करीन पोलीस स्टेशनवर दगडफेक केली होती. हे करीत असतांना जमावाने पाेलिसांच्या ताब्यातील दोन आरोपींनाही पळवून लावले होेत. जमावाला पांगविण्यासाठी पोलीस निरीक्षकांने गोळीबार केला.यात एकजण जखमी झाला होता. उपजिल्हा रूग्णालयात जखमीला दाखल केले असता, त्याठिकाणी दोन गट भिडले होते. यात एका इसमाचा मृत्यू झाल्याने वातावरण चिघळले होेते.
दरम्यान मुलीचे छेड काढणे, पोलीस स्टेशनवर हल्ला करून दगडफेक करणे तसेच जमावाच्या मारहाणीत एकाचा खून केल्याप्रकरणी तीन वेगवेगळे गुन्हे दाखल करण्यात आलेले आहे.यातील आरोपींची एकूण संख्या २६ आहे. मात्र सर्वजण फरार झालेले असून, शुक्रवारपर्यंत एकालाही अटक करण्यात आलेली नव्हती.
ठिकठिकाणी बंदोबस्त तैनात
शहरातछत्रपती शिवाजी महाराज पुतळा, बस स्टँड, उपजिल्हा रुग्णालय, जामा मशीद आदी ठिकाणी पोलीस बंदोबस्त तैनात करण्यात आलेला आहे. शहरात नंदुरबार,धुळे,जळगाव,शिरपूर आदी ठिकाणचे पोलिस येथे तैनात आह..एस आर पी,दंगा काबू पथकाच्या चार तुकड्या कार्यरत आहेत. शांतता प्रस्थापित राहण्यासाठी१० पोलीस अधिकारी,२१० पोलीस व इतर असे २५० पोलीस कर्मचाऱ्यांची बंदोबस्तासाठी नियुक्ती केलेली आहे. जिल्हा पोलिस प्रमुख चिन्मय पंडित शुक्रवारी सकाळ पर्यंत दोडाईचात थांबून होते.
डी वाय एस पी प्रशांत बच्छाव,शिरपूरचे उपविभागीय पोलीस अधिकारी अनिल माणे, एल सी बी चे बुधवंत,पो नि हेमंत पाटील, सपोनि सुनील भाबड आदी परिस्थितीवर लक्ष ठेऊन आहेत.
शुक्रवारी सामान्य वातावरण
दोंडाईचात घडलेल्या या प्रकारामुळे घटना घडली तो भाग वगळता शहरातील इतर भागात नेहमीप्रमाणे दैनंदिन व्यवहार सुरू होते. भाजीबाजारही भरलेला होता. मात्र रस्त्यांवर तुरळक गर्दी दिसून येत होती.
बसस्थानकात शुकशुकाट
अगोदरच कोरोनाचा वाढलेला प्रादुर्भाव व बुधवारी घडलेली दंगलीच्या घटनेचा परिणाम बसेसच्या प्रवाशी संख्येवरही झाला. या बसस्थानकात प्रवाशांची गर्दी कमी प्रमाणात दिसून आली. तसेच आगारातर्फेही ज्या ठिकाणी जास्त प्रवाशी आहेत, त्याच मार्गावर गाड्या