जीपॅट परीक्षेत उत्तीर्ण झालेल्या विद्यार्थ्यांना गुणवत्तेच्या आधारे औषधनिर्माणशास्त्र पदव्युत्तर अभ्यासक्रमाला (एम. फार्मसीला) प्रवेश दिला जातो. परीक्षेत मिळालेल्या गुणांच्या आधारे निवडक विद्यार्थ्यांना उच्च शिक्षणासाठी मासिक १२ हजार ४०० रूपये शिष्यवृत्ती मिळणार आहे. गुणवत्ताधारक विद्यार्थ्यांना औषधनिर्माणशास्त्र पदव्युत्तर अभ्यासक्रमाला प्रवेश घेता यावा व शिष्यवृत्तीचा लाभ मिळावा हे जी-पॅट परीक्षेचे उद्दिष्ट आहे. जीपॅट-२०२१ परीक्षा २७ फेब्रुवारी रोजी संपूर्ण भारतात विविध केद्रांवर ऑनलाईन पध्दतीने घेण्यात आली होती. त्यात एच. आर. पटेल फार्मसी महाविद्यालयातील एकूण ११ विद्यार्थी यशस्वी झाले आहेत.
महाविद्यालयातील तुषार सैंदाणे (२५० गुण), अतुलसिंग ठाकूर (२२९), प्रिया चौधरी (१८८), दीप्ती पाटील (१८६), शिवाजी गावंडे (१८४), कल्याणी चौधरी (१८२), लीलाधर शेवाळे (१७९), नीशा पाटील (१७५), काजल पाटील (१५६), विजय पाटील (९२), दिलीप पावरा (९१) हे विद्यार्थी जीपॅट परीक्षेत उतीर्ण झाले. यावेळी यशस्वी विद्यार्थ्यांचा प्राचार्य डॉ. एस. बी. बारी यांच्या हस्ते सत्कार करण्यात आला.
एस. व्ही. के. एम.चे १४ विद्यार्थी
धुळे येथील श्री विलेपार्ले केळवणी मंडळ, मुंबई संचालित एस. व्ही. के. एम. औषधनिर्माणशास्त्र (बी. फार्मसी) महाविद्यालयातील विद्यार्थ्यांचे नुकत्याच जाहीर झालेल्या राज्यस्तरीय ग्रॅज्युएट फार्मसी अॅप्टिट्यूड टेस्ट २०२१ (जीपॅट) च्या परीक्षेच्या निकालात पहिल्याच बॅचमधून तब्बल १४ विद्यार्थी उत्तीर्ण झाले आहेत. चतुर्थ वर्षातील विद्यार्थी जयेश राजेश पाटील ९९.४७ गुण मिळवून (ऑल इंडिया रँक २४१), प्रज्वल संजय निकम (११३१), विनय शरद देशमुख (१९१४), ऋषिकेश बबन महाजन, पायल सुनील गजघाटे, हर्षल संजय पाटील, शाश्वत महेश चांगले, पूनम योगेश पाटील, उज्वल गजानन सोनवणे, प्रज्ञा विजय जैन, तृतीय वर्षातील विकास धुमाळ, हेमाक्षी मुकेश कोळी, गायत्री शेखर शुक्ला, अविनाश पाटील हे विद्यार्थी उत्तीर्ण झाले आहेत. या घवघवीत यशासाठी प्राचार्य डॉ. समीर गोयल, डॉ. उस्मान सिद्दिकी, प्रा. मृणाली पाटील यांचे मार्गदर्शन विद्यार्थ्यांना लाभले.
या यशासाठी एस. व्ही. के. एम. संस्थेचे अध्यक्ष आमदार अमरिशभाई पटेल, सह-अध्यक्ष भुपेशभाई पटेल, उपाध्यक्ष चिंतनभाई पटेल, व्यवस्थापन समितीचे सदस्य राजगोपाल भंडारी, धुळे कॅम्पसचे डॉ. अजय पसारी, माजी कुलगुरु डॉ. के. बी. पाटील आदींनी कौतुक केले.