पोलिसांनी पकडली सव्वा लाखांची दारु

शनिनगरातील संशयित जेरबंद, गुन्हा नोंद

धुळे : एसआरपी कॅम्पच्या भिंतीलगत दारु विकणाऱ्या शनिनगरातील एकाला पोलिसांनी ताब्यात घेतले आहे़ त्याच्याकडून कारसह सव्वा लाखांची दारु जप्त करण्यात आली़आप्पा उर्फ किरण यशवंत पवार असे संशयित आरोपीचे नाव आहे़ सोमवारी रात्री ८ वाजेच्या सुमारास किरण पवार हा एसआरपी कॅम्पच्या भिंतीच्या आडोश्यालगत एका घराच्या मागे दारु विकत होता़ त्याच्याकडील एमएच १९ एएक्स ०८४२ क्रमांकाच्या इंडीका गाडीत विविध कंपन्यांची दारु आढळून आली़ पोलिसांनी १ लाख २५ हजार १२५ रुपयांचा मुद्देमाल जप्त केला आहे़ धुळे तालुका पोलिसांनी संशयित किरण पवार विरुध्द गुन्हा दाखल केला आहे़ घटनेचा तपास पोलीस हेड कॉन्स्टेबल मोरे करीत आहेत़