लाजिरवाणी घटना! मदतीचे आमिष दाखवून भाजपा नेत्याने विधवा महिलेवर केला बलात्कार 

Rape Case : महिलेने प्रफुल्ल वेकारियाविरोधात पोलीस तक्रार दाखल केली आहे. महिलेने आपल्या तक्रारीत म्हटले आहे की, तिच्या पतीचे सात वर्षांपूर्वी निधन झाले.

ठळक मुद्देअमरेली जिल्ह्यातील सावरकुंडला तहसील गावाचे माजी सरपंचाचे पती आणि स्थानिक भाजप नेते प्रफुल्ल वेकारिया यांच्यावर सरकारी मदतीचे आमिष दाखवून गावातील एका विधवेवर बलात्कार केल्याचा आरोप आहे.

तौक्ते चक्रीवादळ येऊन ३ महिन्यांहून अधिक काळ झाला आहे, परंतु आजही चक्रीवादळामुळे झालेल्या नुकसानीच्या मदतीसाठी अमरेली, गुजरातमधील अनेक गावातील लोक इकडे -तिकडे भटकत आहेत. दरम्यान, एक लाजीरवाणी घटना समोर आली आहे. अमरेली जिल्ह्यातील सावरकुंडला तहसील गावाचे माजी सरपंचाचे पती आणि स्थानिक भाजप नेते प्रफुल्ल वेकारिया यांच्यावर सरकारी मदतीचे आमिष दाखवून गावातील एका विधवेवर बलात्कार केल्याचा आरोप आहे.


असा आरोप करण्यात आला आहे की, जेव्हा ती महिला तिच्या घरी एकटी होती, तेव्हा माजी सरपंचाचे पती आणि भाजपचे स्थानिक नेते प्रफुल्ल वेकारिया तिच्या घरी पोहोचले आणि चक्रीवादळात घराचे झालेल्या नुकसानीचे सर्वेक्षण करण्यासाठी ते येथे आल्याचे सांगितले. यानंतर महिलेच्या एकटेपणाचा फायदा घेत तिच्यावर बलात्कार केला.

महिलेने प्रफुल्ल वेकारियाविरोधात पोलीस तक्रार दाखल केली आहे. महिलेने आपल्या तक्रारीत म्हटले आहे की, तिच्या पतीचे सात वर्षांपूर्वी निधन झाले. त्यांचा मुलगा कुठेतरी बाहेर गेला होता जेव्हा प्रफुल्ल त्याच्या घरी आला आणि म्हणाला की, चक्रीवादळामुळे झालेल्या नुकसानीसाठी पूर्ण मदत तुम्हाला मिळेल. त्यानंतर तिच्यावर बलात्कार केल्याचा आरोप महिलेने केला.

जेव्हा महिलेचा मुलगा घरी आला तेव्हा त्याने ही संपूर्ण गोष्ट आपल्या मुलाला सांगितली, त्यानंतर तिने आणि त्याच्या मुलाने पोलीस स्टेशन गाठून तक्रार दाखल केली. महिलेचे मेडिकल करून पोलिसांनी पुढील कारवाई सुरू केली आहे.