Maharashtra: आधी अल्पवयीन मुलीवर अत्याचार; नंतर ते अश्लील व्हिडिओ आणि फोटो केले व्हायरल

Crime news Maharashtra: एका १७ वर्षाच्या मुलीवर अत्याचार केले. त्याचे व्हिडीओ शूट केले, फोटो काढले. हे व्हिडीओ आणि फोटो नंतर आरोपीने सोशल मीडियावर पोस्ट केले. 

Akola Crime News: एका सतरा वर्षीय अल्पवयीन मुलीला प्रेमाच्या जाळ्यात ओढून तिच्यावर अत्याचार केल्याचा प्रकार समोर आला. आरोपीने अत्याचार करतानाचे व्हिडीओ आणि फोटोही काढले होते. ते अश्लील व्हिडीओ व फोटो व्हायरल केले. अकोल्यात ही घटना घडली असून, खदान पोलिसांनी दोन आरोपींना अटक केली. धक्कादायक बाब म्हणजे या गुन्ह्यात दोन विधिसंघर्षग्रस्त बालकांचा समावेश आहे.

'लोकमत'चं WhatsApp चॅनल फॉलो करा!

आरोपींकडून अल्पवयीन पीडित मुलीला जबर मारहाण करण्यात आली. त्यानंतर तिच्यावर अत्याचार करण्यात आले. याबाबतचा एक व्हिडिओ सोशल मीडियावर व्हायरल झाला असून, पीडितेचे अश्लील फोटोही व्हायरल करण्यात आले आहेत. 

प्रकरण कसे आले उघडकीस?

एका सामाजिक कार्यकर्त्याच्या मदतीने पीडितेच्या नातेवाइकाकडून शहरातील खदान पोलीस स्टेशन येथे तक्रार दिली आहे. या प्रकरणी आरोपी सलमान खान अयाज खान (२४), अब्दुल साहिल अब्दुल वाजीद (२०) व अन्य दोन विधिसंघर्षग्रस्त बालकांविरोधात विनयभंग, लैंगिक अत्याचार, पोक्सो व अट्रॉसिटी अॅक्टनुसार खदान पोलिसांनी गुन्हा दाखल केला आहे.

वाचा >>एकमेकांचे हात पकडले, धायमोकलून रडले अन् चालत्या ट्रेनसमोर उडी मारली; जोडप्याचा दुर्दैवी अंत

यातील आरोपी सलमान खान अयाज खान व अब्दुल साहिल अब्दुल वाजीद या दोन आरोपींना पोलिसांनी अटक केली आहे. या प्रकरणाचा पुढील तपास उपविभागीय पोलिस अधिकारी सतीश कुलकर्णी करीत आहेत.

सोशल मीडियावर फोटो व्हायरल !

आरोपींनी पीडित मुलीचे अश्लील फोटो आणि व्हिडीओ काढून इन्स्टाग्रामवर व्हायरल केले आहेत. दरम्यान, या प्रकरणात आरोपी वाढण्याची शक्यता वर्तविली जात आहे. त्या दिशेने उपविभागीय पोलिस अधिकारी सतीश कुलकर्णी यांनी तपास सुरू केला आहे.

तपास एसडीपीओंकडे

मुलीला प्रेमाच्या जाळ्यात ओढून तिचे अश्लील व्हिडीओ व फोटो व्हायरल केल्याचा गुन्हा दाखल करण्यात आला आहे. त्यामध्ये लैंगिक अत्याचार, विनयभंग, पोक्सो व अॅट्रासिटी अॅक्टचा समावेश असल्याने या गुन्ह्यांचा पुढील तपास उपविभागीय पोलिस अधिकारी सतीश कुलकर्णी करीत आहेत.