कॉल, ५ लाखांची खंडणी अन् बांधलेल्या अवस्थेतील फोटो; शिक्षिकेला किडनॅप केल्याने खळबळ

By ऑनलाइन लोकमत | Updated: November 29, 2025 13:25 IST2025-11-29T13:24:29+5:302025-11-29T13:25:33+5:30

छत्तीसगडमधील दुर्ग येथील भिलाईच्या एका शिक्षिकेचं अपहरण करण्यात आलं.

lady teacher kidnap ransom photos rescue woman auto driver | कॉल, ५ लाखांची खंडणी अन् बांधलेल्या अवस्थेतील फोटो; शिक्षिकेला किडनॅप केल्याने खळबळ

फोटो - आजतक

छत्तीसगडमधील दुर्ग येथील भिलाईच्या एका शिक्षिकेचं अपहरण करण्यात आलं. ती शाळेसाठी घरून निघाली होती आणि रिक्षाने कामावर जात असताना तिचं अपहरण करण्यात आलं. काही तासांनंतर अपहरणकर्त्याने तिच्या पतीला फोन करून पाच लाख रुपयांची खंडणी मागितली आणि तिचा बांधलेल्या अवस्थेतील फोटो पाठवला. अचानक आलेल्या या कॉल आणि फोटोमुळे पती आणि कुटुंबीय घाबरले. घाबरलेल्या पतीने ताबडतोब भिलाई कॅन्टोन्मेंट पोलीस ठाण्यात जाऊन पोलिसांना घटनेची माहिती दिली.

कुटुंबातील सदस्यांनी दिलेल्या माहितीनुसार की, महिला नेहमीप्रमाणे भिलाई सेक्टरमधील तिच्या खासगी शाळेत जाण्यासाठी घरातून निघाली होती. शाळेच्या व्यवस्थापनाने शिक्षिक आली नसल्याचं सांगण्यासाठी फोन केल्यावर पतीला संशय आला. तपास सुरू असतानाच एक कॉल आला. अपहरणकर्त्याने फोनवर स्पष्टपणे सांगितलं की, "आम्ही तुमच्या पत्नीचं अपहरण केलं. ५ लाख रुपये आणा, नाहीतर तुम्हाला गंभीर परिणाम भोगावे लागतील." अपहरणकर्त्याने पुरावा म्हणून महिलेचा फोटो देखील पाठवला होता.

तक्रार मिळताच, दुर्ग पोलिसांनी कारवाई सुरू केली. तांत्रिक आणि मानवी संसाधनांच्या आधारे एसीसीयू टीम आणि कॅन्टोन्मेंट पोलीस स्टेशनने संयुक्त तपास सुरू केला. काही तासांतच पोलिसांनी एका संशयित रिक्षा चालकाला शोधून काढलं, ज्याला ताब्यात घेऊन त्याची कसून चौकशी करण्यात आली. संशयिताच्या माहितीनंतर पोलिसांनी शिक्षिकेला सुरक्षितपणे शोधून काढलं.

महिलेला सुरक्षित आढळल्यानंतर कुटुंबाने सुटकेचा नि:श्वास सोडला. सुरुवातीच्या तपासात रिक्षा चालकाने तिचं अपहरण केल्याचं उघड झालं. ही घटना केवळ खंडणीसाठी घडली होती की इतर काही हेतू होता याचा तपास पोलस आता करत आहेत. महिला आणि आरोपी दोघांचीही चौकशी केली जात आहे. या घटनेने परिसरात एकच खळबळ उडाली. पोलीस अधिक तपास करत आहेत.

Web Title : छत्तीसगढ़ में शिक्षिका का अपहरण, 5 लाख की फिरौती, पति को फोटो!

Web Summary : छत्तीसगढ़ में एक शिक्षिका का अपहरण हुआ। अपहरणकर्ताओं ने 5 लाख की फिरौती मांगी और बंदी हालत में फोटो भेजा। पुलिस ने शिक्षिका को बचाया और एक संदिग्ध को गिरफ्तार किया। जांच जारी है।

Web Title : Teacher Kidnapped for Ransom in Chhattisgarh; Photo Sent to Husband

Web Summary : A Chhattisgarh teacher was kidnapped on her way to school. The kidnappers demanded ₹5 lakh ransom and sent a photo of her bound. Police rescued her and arrested a suspect. Investigation is ongoing.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.